18:13 20 ДЖЕОРГУЫБАЙЫ МÆЙ
 2017
Комкоммӕ эфир
Президенты Кубок мини-футболӕй

ПӔК-ы футболон командæ рамбылдта Хуссар Иры Президенты Кубок

© Sputnik / Фатима Плиева
Хуссар Ирыстоны
Чысыл дӕнцӕг
26330

Уæлахиздзауы номыл хъазт цыд Текстиль æмæ ПӔК-ы командæты хсæн. Ӕндыгъд хъазты командæты удуæлдай архайдмæ æнæкæсгæйæ хыгъд бакæнын нæ бантыст. Президенты Кубокы хъысмæт аскъуыддзаг ис пенальтиты руаджы

ЦХИНВАЛ, 9 ноя — Sputnik, Плиты Фатимæ. Хуссар Ирыстоны Президенты Кубокы сæраппонд мини-футболы турниры уæлахиздзау ссис Паддзахадон æдасдзинады комитеты командæ. Уый 4:2 хыгъдæй рамылдта цхинвайлаг микрорайон "Текстиль"-ы командæйы.

Финалон фембæлдтæ æрæмбырд кодтой зынгæ фылдæр кæсджыты. Хъазтмæ сæ хъус дардтой Спартак — Алания æмæ Спартак — Цхинвалы ветерантæ, хицауады уæнгтæ æмæ футболуарзджытæ.

  • Президенты Кубок мини-футболӕй
    Президенты Кубок мини-футболӕй
    © Sputnik / Фатима Плиева
  • Президенты Кубок мини-футболӕй
    Президенты Кубок мини-футболӕй
    © Sputnik / Фатима Плиева
1 / 2
© Sputnik / Фатима Плиева
Президенты Кубок мини-футболӕй

Президент Бибылты Анатолий раафрæ кодта, турниры чи архайдта, уыдонæн се ʻппæтæн дæр æмæ сæрмагондæй рахицæн кодта Текстилы командæйы, кæцы кæд уæлахиздзау не ссис, уæддæр равдыста иттæг хорз хъазт.

"Бузныг алкæцы районæн дæр, кæцытæ раразмæ кодтой командæтæ æмæ фенын кодтой рæсугъд хъазт. Уый нысан кæны, нæ фæсивæд спортмæ æвызгъд кæй у раздæрау. Хицауад та сараздзæн фадат, цæмæй ерыстæ суой æрвылазон, Президенты Кубок та уыдзæн цæугæ", — загъта бæстæйы сæргълæууæг.

Æртыккаг бынатыл тох та цыд Фаллаг фарс æмæ Хъахъхъæнынады министрады командæты хсæн, ам дæр сæйраг рæстæджы тыхджындæр нæ рабæрæг ис — пенальтиты фæстæ хъазт ахицæн 5:4 хыгъдæй Фаллаг фарсы пайдайæн.

Турниры уæлахиздзау Президенты Кубокæй дарддæр райста 50 мин сомы, æвзист призер — 30 мин æмæ æртыккаг бынаты хицау та — 20.

Турниры хатдзæгтæм гæсгæ ма æвзæрст æрцыдысты турниры цыппар хуыздæр хъазæджы: хуыздæр дуаргæсы ном лæвæрд æрцыд ПӔК-ы командæйы дуаргæс Цхуырбаты Сæрмæтæн, хуыздæр хъахъхъæнæгыл банымадтой Фаллаг фарсæн хъазæг Кокойты Азæмæты. Хуыздæр размæбырсæг ссис  командæ "Барсаланы" футболист Гаглойты Александр æмæ турниры хуыздæр хъазæг та ссис Гæбæраты Дзамболат — Текстилы командæйы уæнг.

Фæсивæдон политикæйы комитеты хистæр Зассеты Сергейы ныхæстæм гæсгæ, турнир равдыста, Хуссар Ирыстоны кæй ис аккаг футболисттæ æмæ фидæны мини-футболы турнир кæй райсдзæн æххæст гуырахст.

Турниры архайдтой тыхон структурæты, горæты æмæ районты командæтæ.

Сӕйраг темӕтӕ