16:30 11 ЦЫППУРСЫ МÆЙ 2017
Комкоммӕ эфир
Президент Бибылты Анатолий

Президент радзырдта, куыд цӕудзӕн транзит Хуссар Ирыл

© Sputnik / Наталья Айриян
Хуссар Ирыстоны
Чысыл дӕнцӕг
29 0 0

Бибылты Анатолий фехъусын кодта депутаттӕн Уӕрӕсеимӕ йӕ балцы хатдзӕгтӕ ӕмӕ радзырдта бадзырды фӕдыл

ЦХИНВАЛ, 22 ноя — Sputnik, Босыкты Наталья. Транзит Хуссар Ирыл цӕудзӕн республикӕйы закондӕттынад хынцгӕйӕ, фехъусын кодта Бибылты Анатолий парламенты сессийы рӕстӕджы.

"Нӕ республикӕйыл транзит хъуамӕ куса. Уыимӕ иумӕ ӕххӕст цӕудзысты республикӕйы закӕттӕ. Дзырд цӕуы ӕрмӕст Гуырдзыстоныл нӕ, фӕлӕ Сомихстон, Турк, Иран ӕмӕ ӕндӕр бӕстӕтыл, кӕцыты хъӕуы ацы фӕндаг", – загъта президент.

Бибылты Анатолий фехъусын кодта депутаттӕн Уӕрӕсеимӕ йӕ балцы хатдзӕгтӕ ӕмӕ радзырдта бадзырды фӕдыл

"Ӕппӕт фарстытӕ скъуыддзаг ӕрцыдысты. Ӕнӕивгӕйӕ зайынц Уӕрӕсейы ӕххуыс ӕмӕ ахаст Хуссар Ирмӕ. Уынаффӕ цыд ахуырад, ӕнӕниздзинад хъахъхъӕнынад ӕмӕ культурӕйы фадыджы сӕйраг фарстытыл. Мах бафыстам къорд бадзырды", – баххӕст кодта Бибылты Анатолий.

Паддзахады сӕргълӕууӕг банысан кодта, Хуссар Ирыстоны цӕрджытӕн Уӕрӕсейы ӕмбӕстӕгад райсыны тыххӕй кӕй нал хъӕудзӕн вазыгджын процедурӕтӕ цӕуын, кӕцытӕ ӕмбӕлынц ӕндӕр бӕстӕты цӕрджытӕм.

"Бадзырд ныридӕгӕн ис уӕрӕсейаг ведомствӕты ӕркастмӕ. Дывӕр ӕмбӕстагад домы нӕ разыдзинад дӕр. Парламент куы рахӕсса фарст уынаффӕмӕ, уый фӕстӕ закон ист ӕрцӕудзӕн Хусссар Иры дӕр ӕмӕ Уӕрӕсейы, ӕмӕ уӕд ныхас кӕндзыстӕм дывӕр ӕбӕстӕгадыл", – загъта Бибылты Анатолий.

Хуссар Ирыстоны президенты официалон балц Уӕрӕсемӕ цыд 13-14 ноябры. Йӕ балцы рӕстӕджы Бибылты Анатолийӕн уыд фембӕлд УФ-йы президент Владимир Путинимӕ.

Сӕйраг темӕтӕ