13:13 14 ЦЫППУРСЫ МÆЙ 2017
Комкоммӕ эфир
Хуссарирыстойнаг актертӕн радтой паддзахадон хорзӕхтӕ Цӕгат Иры

Хуссарирыстойнаг актертӕн радтой паддзахадон хорзӕхтӕ Цӕгат Иры

© 15-Й РЕГИОН
Хуссар Ирыстоны
Чысыл дӕнцӕг
7 0 0

Цӕгат Ирыстоны цӕуы Националон театрты VIII-ӕм ӕхсӕнадӕмон фестиваль "Сценӕ ӕнӕ арӕнтӕй"

ЦХИНВАЛ, 24 ноя — Sputnik. Хуссар Ирыстоны паддзахадон драмон театры актертӕн радтой паддзахадон хорзӕхтӕ Цӕгат Ирыстоны.

Националон театрты VIII-ӕм ӕхсӕнадӕмон фестиваль "Сценӕ ӕнӕ арӕнтӕй"-йы фӕлгӕтты хуссарирыстойнаг актертӕ равдыстой спектакль "Тугӕйдзаг чындзӕхсӕв".

Спектакль ӕвӕрд у Гаглойты Владимиры пьесӕйы бындурыл. Трагедийы ӕвдыст цӕуы фыд ӕмӕ фырты хсӕн исадон хъаугъа, кӕцы ахицӕн ис мӕлӕтӕй. Ӕвӕрӕг-режиссер у Цӕгат Ирыстоны сгуыхт артист Тъехты Василий.

"Кӕсджытӕ хорз райстой спектакль ӕмӕ стыр къухӕмдзӕгъдимӕ ӕмбӕлдысты сӕ ралӕудтыл. Цӕгат Ирыстоны сӕргълӕууӕджы барамындӕй театралон аивады фадыджы сгуыхтдзинӕдты тыххӕй республикӕйы сгуыхт артисттӕ систы Наниты Виталий, Багаты Георгий ӕмӕ Харебаты Жан-Жак",- хъусын кӕны 15-й Регион.

Уымӕй дарддӕр ма, театры аивадон къухдариуӕггӕнӕг Дзуццаты Тамерлан та райста бузныджы гӕххӕт.

"Сценӕ ӕнӕ арӕнтӕй" цӕуы Дзӕуджыхъӕуы 20 — 25 ноябры. Сфӕлдыстадон форум ӕрӕмбырд кодта коллективтӕ Хуссар Ирыстон, Цӕгат Ирыстон, Абхаз, Кӕсӕг- Балхъар, Дагестан, Цӕцӕн ӕмӕ Таджикистанӕй.

Сӕйраг темӕтӕ