16:29 11 ЦЫППУРСЫ МÆЙ 2017
Комкоммӕ эфир
Бекъойты Геннадий

Бекъойты Геннадий: электроэнергийы хæстæ Хуссар Иры ахызтысты 320 милуанæй

© МИА "Исток"
Хуссар Ирыстоны
Чысыл дӕнцӕг
1010

Ӕрмæстдæр ацы азы фараст мæйы мидæг электроэнергийы фæдыл хæс республикæйы ахызт 100 милуан сомæй

ЦХИНВАЛ, 29 ноя — Sputnik. Хуссар Ирыстоны æрмæстдæр ацы азы фараст мæйы мидæг электроэнергийы фæдыл хæс республикæйы ахызт 320 милуан сомæй — 2017 азы фараст мæйы мидæг сырæзгæ хæс у 103 милуан 515 мин сомы,хъусын кæны сæудæджерад, транспорт æмæ энергетикæйы комитеты сæргълæууæг Бекъойты Геннадийы ныхæстæ хицауады пресс-службæ.

Бекъойты Геннадийы ныхæстæм гæсгæ, уыдонæй 53% сты физикон гоймæгты, 29% коммерцион, 18% бюджетон организациты хæстæ.

"Абоны бон тынг карзæй лæууы фиддонтæ æмбырдкæнынад фæбæрзонддæр кæныны фарст. Электроэнергийы технологон зиæнттæ фæкъаддæр кæныны æмæ бахардзгонд электроэнергийы фæдыл æмбырдкæнынады бæрæггæнæнтæ фæхуыздæр кæныны фæдыл Ӕхсæнхицауадон къамис, кæцыйы скондмæ бацыдысты æрмæст профилон организациты æмæ æххæстгæнæн хицауады органты минæвæрттæ нæ, фæлæ ма республикæйы парламенты минæвæрттæ дæр, нывæнды райсын мадзæлттæ сæ аиуварс кæныны фæдыл. Уыдон нымæцы – къамисы архайды бындур фæхуыздæр кæнын, административон мадзæлтты райст, электроэнергийы хардзы хыгъд срæвдз кæнын куыд горæты, афтæ республикæйы районты дæр æмæ æндæртæ", — радзырдта уый.

Бекъойты Геннадийы хъуыдымæ гæсгæ, хæсты аххосæг ис фиддонтæ æмбырдкæнынады æмæ хæстæ ма руадзыны фæдыл процестыл къухдариуæгады мидæг. Банысан ма кодта, æхсæнхицауадон къамисæн бахæс кæй æрцыд, электроэнергийы фиддонтæ чи нæ фиды, уыцы фæлхасгæнджыты ныхмæ административон мадзæлттæ фæкарздæр кæнын.

"Къамис комкоммæ дæр кусдзæн цæрджыты алы къордтæн электроэнергийы хардз кæныны социалон нормæтыл. Уымæй дарддæр ма, къамис республикæйы æнæниздзинад хъахъхъæнынады министрадимæ иумæ бакусдзысты æмбæстæгты хицæн категоритæн электроэнергийы фиддонты фæдыл уæлбартæ раттыны фарстыл", — бафтыдта Геннадий.

Уымæй дарддæр ма арæзт æрцыдысты кусæгон къордтæ къамисы уæнгтæ, районты администрациты æмæ районон эксплуатацион службæты сæргълæуджытæй, электроэнерги хызæгтыл алæвæрды рæстæджы технологон зиæнтты аххосæг рафæлгъауыны тыххæй.

Сӕйраг темӕтӕ