"Альбион"-ы хор рамбылдта республикон фестиваль

© Sputnik / Чехойты Инга"Альбион"-ы хор рамбылдта республикон фестиваль
Альбион-ы хор рамбылдта республикон фестиваль - Sputnik Хуссар Ирыстон
Рафыссын
Дыууæ боны дæргъы ПККЗ "Чермен"-ы сценæйыл зæлдысты Ӕлборты Феликс, Гæзданты Булат, Кокойты Ирина æмæ уæрæсейаг композиторты мелодитыл æвæрд зарджытæ.

ЦХИНВАЛ, 30 ноя — Sputnik.  Гимнази "Альбион"-ы  зарæггæнджыты коллектив райста хорты фæндзæм республикон фестиваль "Песня рожденная сердцем"-ы фыццаг лауреаты ном. Композитор Кокойты Иринайы музыкæйыл æвæрд поэт Хъазиты Мелитоны æмдзæвгæ хоры аивадон къухдариуæггæнæг Дзабиты Екатеринæйы къордæн æрхаста уæлахиздзауы ном.

Хор - Sputnik Хуссар Ирыстон
Цхинвайлаг хор "Лазурная волна – Сочи 2017"-ы райста дыууæ сыгъзæрины

Хорты коллективты республикон фестиваль цæуы ныр фæндзæм хатт, юбилейон конкурс-фестиваль æрæмбырд кодта 14 къорды горæт Цхинвал æмæ районы скъолатæй. Дыууæ боны дæргъы сæ арæхстдзинад æвдыстой зарынмæ æвзыгъд скъоладзаутæ. Гала-концерты кæрон схорзæхджын кодтой аккагдæр коллективты.

Ахуырады министр Гасситы Натали раарфæ кодта æмæ бузныг загъта æппæт архайджытæ æмæ жюрийы уæнгтæн.

Шахматон турнир Цхинвалы - Sputnik Хуссар Ирыстон
Гимнази "Альбион" рамбылдта шахматон турнир Цхинвалы

"Ахæм фестивальтæ æмæ конкурсты уæлахиздзаутæ æмæ фембылдуæвджытæ нæй. Сабиты хъæлæстæ кæм зæлынц, уым æвзæрдзинадæн бынат нæй. Мах иууылдæр стæм иу стыр командæ", — загъта Гасситы Натали.

Гимнази "Альбион"-æй дарддæр ма дыккаг æмæ æртыккаг бынæтты лауреаттæ ссисты Цхинвалы 1-аг æмæ 12-æм скъолатæ.

Сывæллæтты ралæудтæн аргъ кодта жюри, йе сконды уыдысты композитор Харебаты Тимур, дирижер Саппиты Зæлинæ æмæ музыкалон ахуыргæнæндæтты ахуыргæнджытæ.

Ног хабӕртты лентӕ
0