16:31 11 ЦЫППУРСЫ МÆЙ 2017
Комкоммӕ эфир
Боксы турнир Цхинвалы

Боксы скъола равзӕрста хуыздӕр спортсменты

© Sputnik / Плиты Фатима
Хуссар Ирыстоны
Чысыл дӕнцӕг
1810

Ерысты зал ӕрӕмбырд кодта сӕдӕгай адӕймӕгты – ныййарджытӕ, тренертӕ ӕмӕ чысыл боксерты хӕлӕрттӕ рингы ӕрхъулагӕнгӕйӕ сӕ цӕст дардтой тохтӕм

ЦХИНВАЛ, 4 дек — Sputnik. Сывӕллӕтты ӕмӕ ӕрыгон фӕсивӕды боксы скъола рабӕрӕг кодта хуыздӕр боксерты кӕстӕр кары къорды. Лидерты нӕмттыл тох кодтой 18 къайы, бирӕ чысыл спортсментӕн уый уыд сӕ фыццаг фӕлтӕрддзинад сӕ спортивон карьерӕйы.

Ерысты зал ӕрӕмбырд кодта сӕдӕгай адӕймӕгты – ныййарджытӕ, тренертӕ ӕмӕ чысыл боксерты хӕлӕрттӕ риныг ӕрхъулагӕнгӕйӕ сӕ цӕст дардтой тохтӕм.

Боксы турнир Цхинвалы
© Sputnik / Плиты Фатима
Боксы турнир Цхинвалы

Уӕззау цӕфтӕй иутӕ кӕугӕ дӕр скодтой. Фӕлӕ, рыст ӕмӕ цӕссыгмӕ ӕнӕкӕсгӕйӕ, дарддӕр тырныдтой уӕлахизмӕ. Бирӕ фӕмбӕлдтӕ ахицӕн сты ӕмдыхӕй.

"Турнир  цӕуы  комитеты календарон нывӕзтмӕ гӕсгӕ. Скъолайы мидӕггагон ерысты нысан у ӕвӕлтӕрд боксерты рингмӕ ракӕнын. Ис ахӕм боксертӕ, кӕцытӕ афтынц цӕгаткавказаг ерыстӕм, уыдонмӕ ис фӕлтӕрддзинад, фӕлӕ нырма рагӕй чи нӕ цӕуы секцитӕм, уыдонӕн ацы ерыстӕ сты ӕнӕмӕнгхъӕуӕг, цӕмӕй базоной тох кӕнын ӕмӕ ӕрцахуыр уой рингыл архайын. Ам фенӕн ис сӕ потенциалӕн дӕр", — загъта Sputnik Спорткомитеты сӕрдар Зассеты Сергей.

Чысыл боксерты хисӕрмагон ерыстӕй дарддӕр ма турниры цыд тренерты ныхмӕлӕуд. Фондзӕй уыдон раразмӕ кодтой сӕ тыхджындӕр хъомылгӕнинӕгтӕ.

  • Боксы турнир Цхинвалы
    Боксы турнир Цхинвалы
    © Sputnik / Плиты Фатима
  • Боксы турнир Цхинвалы
    Боксы турнир Цхинвалы
    © Sputnik / Плиты Фатима
  • Боксы турнир Цхинвалы
    Боксы турнир Цхинвалы
    © Sputnik / Плиты Фатима
  • Боксы турнир кæстæр къорды хсæн
    Боксы турнир кæстæр къорды хсæн
    © Sputnik / Плиты Фатимæ
  • Боксы турнир Цхинвалы
    Боксы турнир Цхинвалы
    © Sputnik / Плиты Фатима
1 / 5
© Sputnik / Плиты Фатима
Боксы турнир Цхинвалы

"Скъолайы мидӕггагон ерыстӕ цӕуынц кӕстӕр кары къорды. Турнир ацыд хорз ӕмвӕзадыл. Ӕппӕт тренертæ дӕр раразмӕ кодтой аккаг хъомылгӕнинӕнгты, алкӕмӕ дӕр ис фӕйнӕ 4-5 уӕлахиздзау", — загъта скъолайы директор Кокойты Мурат.

Уӕлахидзаутӕ ӕмӕ призертӕ райстой грамотӕтӕ.

Сӕйраг темӕтӕ