20:37 23 ТЪÆНДЖЫ МÆЙ
 2018
Комкоммӕ эфир
Хуссар Ирыстоны президент фембæлд Уæрæсейы генпрокурор Юрий Чайкаимæ

Хуссар Ирыстоны президент фембæлд Уæрæсейы генпрокурор Юрий Чайкаимæ

© Пресс-служба президента РЮО.
Хуссар Ирыстоны
Чысыл дӕнцӕг
13 0 0

Визиты фæлгæтты Бибылты Анатолий нывæнды фембæлын уæрæсейаг министрæдтæ æмæ ведомствæты сæргълæуджытимæ, кæцытимæ æруынаффæ кæндзæн æмгуыстад æмæ æмархайды фарстытыл

ЦХИНВАЛ, 20 дек — Sputnik. Хуссар Ирыстоны президент Бибылты Анатолий фембæлд Уæрæсейы генералон прокурор Юрий Чайкаимæ УФ-мæ йæ кусæгон визиты фæлгæтты, фехъусын кодта паддзахады сæргълæууæджы пресс-службæ.

Ведомствæйы куыд банысан кодтой, афтæмæй визиты фæлгæтты Бибылты Анатолий нывæнды фембæлын уæрæсейаг министрæдтæ æмæ ведомствæты сæргълæуджытимæ, кæцытимæ æруынаффæ кæндзæн æмгуыстад æмæ æмархайды фарстытыл.

Встреча Президента РЮО с Генеральным прокурором РФ
© Пресс-служба президента РЮО.
Хуссар Ирыстоны президент Бибылты Анатолий фембæлд Уæрæсейы генералон прокурор Юрий Чайкаимæ

РХИ-ы генералон прокуратурæ æмæ УФ-йы генералон прокуратурæйы минæвæртты фембæлды рæстæджы бафыст æрцыд 2018-2019 азтæн уголовон хъуыддæгты фæдыл барадон æххуысы къабазы дыууæварсон æмгуыстады программæ, кæцы рагхыгъд кæны иумæйаг мадзæлттæ уадзыны нывæзт æхсæнведомствæйон æмгуыстады алыгъуызон категориты.

Æмгуыстады фæдыл меморандумыл хуссарирыстойнаг фарсы æрдыгæй йæ къух бафыста РХИ генералон прокурор Дзæгъиаты Уырызмæг, Уæрæсейы æрдыгæй та – УФ-йы генералон прокурор Юрий Чайка.

Встреча Президента РЮО с Генеральным прокурором РФ
© Пресс-служба президента РЮО.
Æмгуыстады фæдыл меморандумыл cæ къухтæ бафыстой РХИ æмæ УФ-йы генералон прокурортæ Дзæгъиаты Уырызмæг æмæ Юрий Чайка

Бибылты Анатолий банысан кодта æвæрццаг фæстиуджытæ уголовон хъуыддæгты равзæрсты, кæцытæ РХИ генералон прокуратурæ арвыста уæрæсейаг коллегæтæм, РХИ территорийыл фыдракæндтæ цы гоймæгтæ сарæзтой, уыдон фæдыл.

Ацы категорийы уголовон хъуыддæгты фæдыл Уæрæсейы слестгæнæн органтæ æрцахстой исадтæ, Хуссар Ирыстоны бюджетæн бакæнгæ зиан баххæст кæныны нысанæн.

Сӕйраг темӕтӕ