Ахуырады министрады радзырдтой, цал бон адарддæр уыдзысты улæфтытæ

© Sputnik / Наталья АйриянДампалет
Дампалет - Sputnik Хуссар Ирыстон
Рафыссын
Ацы аз Хуссар Иры скъоладзаутæ улæфдзысты дыууæ къуыри

ЦХИНВАЛ 21 дек— Sputnik, Плиты Этери. Хуссар Ирыстоны скъоладзаутæн 1 январы райдзайдзысты 14-бонон каниултæ, фехъусын кодта Sputnik Хуссар Ирыстон ахуырады министрады уæлæмхас ахуырады хайады сæйраг специалист Буджиты Замира.

"1-14 январы скъоладзаутæн уыдзæн зымæгон улæфтытæ. 2-10 январы уыдонæн Сывæллæтты сфæлдыстадон галуаны æвдыст цæудзæн хъæзныг ногазон программæ", — радзырдта Буджиты Замира.

ХИПУ-ы студенттæн зымæгон каникултæ райдайдзысты 25 январы æмæ адарддæр уыдзысты 9 февралы онг.

Ӕдæппæт горæт Цхинвал æмæ республикæйы районты ис 53 астæуккаг скъолайы. Ацы аз скъолатæм бацыдысты æхсæз мин ахуыргæнинагæй фылдæр, уыдон нымæцы – 798 фыццагкъласонтæ.

Ног хабӕртты лентӕ
0