21:19 22 ТЪÆНДЖЫ МÆЙ
 2018
Комкоммӕ эфир
Альбион-ы хор рамбылдта республикон фестиваль

Альбионæгтæ ссисты æхсæнадæмон конкурсы уæлахиздзаутæ Мæскуыйы

© Sputnik / Чехойты Инга
Хуссар Ирыстоны
Чысыл дӕнцӕг
16640

Гимнази "Альбион"-ы ахуырдзаутæ ахастой конкурсмæ 8 номыры æмæ се ʻппæтæй дæр райстой призон бынæттæ

ЦХИНВАЛ, 8 янв — Sputnik, Плиты Фатимæ. Гимнази "Альбион"-ы ахуырдзаутæ ссисты Мæскуыйы курдиатты X æхсæнадæмон конкурс "Вершина успеха"-йы лауреаттæ. Цхинвайлаг фæсивæд райстой æртæ фыццаг æмæ фондз дыккаг бынаты хицæн номинациты, фехъусын кодта Sputnik ахуырадон уагдоны директор Гуыцмæзты Ирина.

"Уый махæн у стыр æнтыст ахæм бæрзон æмвæзады конкурсы. Сæрыстыр стæм нæ ахуырдзаутæй. Сæ балцы агъоммæ сын ам бынаты сæ генералон репетици куы федтон, уæд æй зыдтон, уыдон хорзæхтимæ кæй æрыздæхдзысты", — загъта Гуыцмæзты Ирина.

Гимнази "Альбион"-ы ахуырдзаутæ ахастой конкурсмæ 8 номыры. Йæ директор ма банысан кодта, скъоладзаутæ  кæй сæххæст кодтой иттæг хорз Хетæгкаты Къостайы "Сидзæргæс", фæлæ сын, æвæццæгæн, æнæзонгæ взагыл кæй уыд, уымæ гæсгæ радтой æрмæст дыккаг бынат.

Курдиатты X æхсæнадæмон конкурс "Вершина успеха" цыд Мæскуыйы 5 —8 январы. Конкурсы уыд цалдæр номинацийы: вокал, инструменттыл цæгъдын, хореографи, цирчы аивад æмæ æндæртæ.

Сӕйраг темӕтӕ