Ног комеди "Цыппæрæмæй цыппæрæммæ" Цхинвалы равдисдзысты цыппæрæмы

© Sputnik / Плиты ФатимæРежиссер Хъæцмæзты Фатимайы спектакль "Цыппæрæмæй цыппæрæммæ"
Режиссер Хъæцмæзты Фатимайы спектакль Цыппæрæмæй цыппæрæммæ - Sputnik Хуссар Ирыстон
Рафыссын
Италиаг драматургы пьесæйы премьерæагъоммæ равдыст сывзæрын кодта хъаугъатæ аивадон советы. Режиссер Хъæцмæзты Фатимæйы куыстæн кæсæг аргъгæнæг уыдзæн 18 январæй фæстæмæ

ЦХИНВАЛ, 17 янв — Sputnik, Плиты Фатимæ. Хуссар Ирыстоны паддзахадон драмон театры Аивадон советы æркастмæ бавдыстой режиссер Хъæцмæзты Фатимæйы спектакль "Цыппæрæмæй цыппæрæммæ". Сфæлдыстадон кусджыты хъуыдытæ фæдих сты, иутæ нымайынц, спектакль кæй у нырма бакусинаг, аннæтæ та дзурынц, кæй  у аккаг кæсæджы размæ рахæссынæн.

"Бузныг уе ʻппæтæн дæр. Хорз арæхстысты актертæ сценæйыл, стыр куыст бакодта режиссер дæр. Спектаклæн аргъгæнæг уыдзысты кæсджытæ", — банысан кодта ирон литературæйы профессор Плиты Гацыр.

Къорд актеры та сæ раныхасты банысан кодтой, спектакль нырма кусинаг кæй у æмæ комедийы домæнтæн дзуапп кæй нæ дæтты, æмæ йын, зæгъгæ, ахæм хуызы рауадзæн нæй. Цæгат Ирыстоны сгуыхт артист Тъехты Василий банысан кодта, уый зонгæ кæй у æрмæгимæ æмæ йæ зæрдыл нæ сæмбæлд йæ ацы бакаст.

"Спекткалы мæ зæрдæмæ фæцыдысты костюмтæ, æндæр ницы. Ӕз зонгæ дæн æрмæгимæ æмæ пьесæ нымайын спетаклæй зæрдæмæдзæугæдæрыл", — загъта актер.

© Sputnik / Плиты ФатимæРежиссер Хъæцмæзты Фатимайы спектакль "Цыппæрæмæй цыппæрæммæ"
Режиссер Хъæцмæзты Фатимайы спектакль Цыппæрæмæй цыппæрæммæ - Sputnik Хуссар Ирыстон
1/3
Режиссер Хъæцмæзты Фатимайы спектакль "Цыппæрæмæй цыппæрæммæ"
© Sputnik / Плиты ФатимæРежиссер Хъæцмæзты Фатимайы спектакль "Цыппæрæмæй цыппæрæммæ"
Режиссер Хъæцмæзты Фатимайы спектакль Цыппæрæмæй цыппæрæммæ - Sputnik Хуссар Ирыстон
2/3
Режиссер Хъæцмæзты Фатимайы спектакль "Цыппæрæмæй цыппæрæммæ"
© Sputnik / Плиты ФатимæРежиссер Хъæцмæзты Фатимайы спектакль "Цыппæрæмæй цыппæрæммæ"
Режиссер Хъæцмæзты Фатимайы спектакль Цыппæрæмæй цыппæрæммæ - Sputnik Хуссар Ирыстон
3/3
Режиссер Хъæцмæзты Фатимайы спектакль "Цыппæрæмæй цыппæрæммæ"
1/3
Режиссер Хъæцмæзты Фатимайы спектакль "Цыппæрæмæй цыппæрæммæ"
2/3
Режиссер Хъæцмæзты Фатимайы спектакль "Цыппæрæмæй цыппæрæммæ"
3/3
Режиссер Хъæцмæзты Фатимайы спектакль "Цыппæрæмæй цыппæрæммæ"

Спектакль расгуыхт дыууæ бинонты тандемæй. Сæйраг сценæйон къæйтты фæлгæнцтæ æххæст кæнынц дыууæ цардæмбал Тедеты Андрей æмæ Хуыгаты Альбина, ам ма архайынц Хаситы хо æмæ æфсымæр Сослан æмæ Эмма дæр. Дыууæ сылгоймаджы архайд дæр спектаклы райстой æвæрццаг аргъгæндтæ. Критиктæ рахицæн кодтой Альбинайы хорз хъазт аристократон бинонты уæздандзинад равдисыны хъуыддаджы, Эммайы рахицæн кодтой спектаклæн æцæг комедийы æууæлтæ радтыны хъуыддаджы.

Спектаклы, ранымайгæ актертæй дарддæр, архайынц Тадтаты Фатимæ æмæ Мамиты Григорий дæр.

Италиаг драматург Альдо де Бенедеттийы пьесæ æвæрд цæуы уæрæсейаг сценæтыл, ныр æй фыццаг хатт бафæлвæрдтой Хуссар Иры дæр. Æвæрæг-режиссеры фæндмæ гæсгæ ивд æрцыд кæрон. Аивадон советы куыст рацыд хъаугъайаг æмæ йæ балхынцъ кодтой æнæ журналистты хайадистæй.

Ӕртыццæджы режиссер Хъæцмæзты Фатима Sputnik фехъусын котда, спектаклы премьерæ куыд фæнд кодтой афтæ кæй ацæудзæн цыппæрæмы.

Ног хабӕртты лентӕ
0