08:21 19 МАЙРÆМТЫ МÆЙ 2017
Комкоммӕ эфир
Мультимедиа

Фыццаг хатт Хуссар Иры: Цхинвалы æрбайгом кодтой спортивон фæзуат WorkOut

Чысыл дӕнцӕг
1210
© Sputnik . Михаил Хасиев

Спортивон фæзуат æрбайгом кодтой Цхинвалы горæты цады цур, фыццаг хатт ахæм объект фæзынд Уæрæсейæн æддейæ

ЦХИНВАЛ, 6 апр — Sputnik. Хуссар Ирыстоны фыццаг спортивон фæзуат æрбайгом Цхинвалы, горæты цады былыл.

Церемонийы хайад райста республикæйы президент Тыбылты Леонид.

"Арфæ кæнын, спортивон фæзуат æрбайгом кæныны хайад чи райста, уыдонæн. Нæ фидæн ис нæ фæсивæды къухты, мах та сын хъуамæ саразæм алы уавæртæ дæр. Ныфс мæ ис, ацы фарсты мах нæ фæсивæд кæй бамбардзæн, уымæн æмæ кæд абон мах æрæмбырд стæм проекты эгидæйы бын, уæд уый у уый нысаниуæг, мах цæттæ кæй стæм æнæниз цардуаг æрвитын", — загъта паддзахады сæргълæууæг.

Федералон проект "Ӕвронг Уæрæсе"-йы къухдариуæггæнæг æмæ УФ Ӕхсæнадон палатæйы уæнг Султан Хамзаев банысан кодта, уый кæй у фыццаг фæлтæрддзинад Уæрæсейæн æддейæ фæзуат æрбайгом кæныны.

"Хъуыды ис уый мидæг æмæ спорт хъуамæ уа æнцойвадат. Мæнæ —хæдзар, мæнæ — спортивон фæзуат. Уый у нæ хайбавæрд Уæрæсе æмæ Хуссар Ирыстоны æмахастытæм. Абон мах ам гом кæнæм 40-æм фæзуат, райсом та ахæм миссиимæ афæндараст уыдзыстæм Сухуммæ", — загъта Хамзаев.

Уый загъта бузныг проекты организатортæн Цхинвалы спортивон фæзуат саразыны хъæппæрисы тыххæй.

Work­Out у Уæрæсейы æнцонвадат спортивон фæзуæтты популярон формат, Хуссар Ирыстоны æрбайгомы инициатортæ сты федералон проект "Ӕвронг Уæрæсе", фæсивæды хъуыддæгты фæдыл федералон агентад (Ӕхсæнадæмон фæсивæдон центр) æмæ республикон фæсивæдон æхсæнадон организаци "Но фæлтæр".

Ноджы видеотæ

Сӕйраг темӕтӕ