ПӔК-ы сӕргълӕууӕг: ӕхсӕнадӕй хи интересты чи пайда кӕны, уый нӕ хъӕуы уадзын политикӕмӕ

© Пресс-служба президента РЮОШаргаев Виктор
Шаргаев Виктор - Sputnik Хуссар Ирыстон
Рафыссын
Виктор Шаргаев радзырдта Хуссар Ирыстоны ӕвзӕрстагъоммӕ уавӕры, афтӕ ма президентон дугъты рӕстӕгмӕ ӕмӕ ӕвзӕрстыты бон ӕдасдзинад сифтонг кӕныны куысты тыххӕй.

ЦХИНВАЛ, 22 фев — Sputnik, Козаты Диана. Хуссар Ирыстоны паддзахадон ӕдасдзинады комитеты ӕндӕр тыхон структурӕты ӕмархайдӕй райсдзысты ӕппӕт мадзӕлттӕ дӕр, цӕмӕй ӕхсӕнад ма иса хайад политикон быцӕудзинӕдты, загъта йӕ интервьюйы Sputnik ведомствӕйы сӕргълӕууӕг Виктор Шаргаев.

КГБ Южная Осетия Цхинвал РЮО - Sputnik Хуссар Ирыстон
Хуссар Иры ПӔК аразы оперативон штаб ӕвзӕрстыты рӕстӕгмӕ

Амӕй размӕ, президент ӕмӕ тыхон структурӕты къухдариуӕггӕнджытимӕ фембӕлды рӕстӕджы ПӔК-ы сӕргълӕууӕг Виктор Шаргаев загъта, Хуссар Ирыстоны ӕвзӕрстон кампани кӕй рахызт активон ӕмвӕзадмӕ ӕмӕ Паддзахадон ӕдасдзинады комитеты кусджытӕ раконд кӕй ӕрцыдысты службӕйы сӕрмагонд режиммӕ. Арӕзт ӕрцыд штаб тыхон структурӕты кусджыты нымӕцӕй, кӕцы ӕрӕмбырд вӕййы къуыри иу хатт.

"Оперативон штабы хӕслӕвӕрдты ис ЦӔК-ы сӕргълӕууӕджы хисӕрмагонд ӕдасдзинад, УФ ӔФС-ы арӕнгӕрон службӕ ӕмӕ 4-ӕм ӕфсӕддон базӕимӕ ӕмархайд, информаци дих кӕнын реалон рӕстӕджы режимы, арӕнты хъахъхъӕнынад. Уымӕй дарддӕр ма нӕ хӕслӕвӕрдты ис ӕвзарӕн бюллетенты, фӕсарӕйнаг цӕстдарджыты физикон ӕдасдзинад", — загъта Шаргаев.

ПӔК-ы сӕргълӕууӕг банысан кодта, хъахъхъӕнынадмӕ ист кӕй ӕрцӕудзысты ахуырадон уагдӕттӕ ӕмӕ сабидӕттӕ, алыварсонӕй басгӕрст ӕрцыд ЦӔК-ы бӕстыхай, информацион центр ӕмӕ ӕвзарӕн фадгуытӕ.

Оперативон штабы архайдмӕ ӕрбангом уыдзысты УУМ ӕмӕ Ӕнӕниздзинад хъахъхъӕнынады тыхтӕ, исты уӕлвӕткон уавӕрты сӕвзӕрдӕн.

ПӔК ис политикон хъӕзтыты иуварс

Виктор Шаргаев банысан кодта, президенты ӕвзӕрстыты агъоммӕ Хуссар Ирыстоны кӕй ӕндыгъд кӕны ӕхсӕнадон-политикон уавӕр, ӕвзӕрстагъоммӕ кампанийы хайадисджытӕ кӕрӕдзимӕ кӕй хӕсдзысты претензитӕ.

"Мах стӕм ацы политикон хъӕзтытӕн иуварс, политиктӕ сӕхӕдӕг хъуамӕ ӕвзарой сӕ хъуыддӕгтӕ. Ныфс мӕ ис, алцыдӕр кӕй ацӕудзӕн сабырӕй, куыд 2012 азы ӕмӕ куыд парламентон ӕвзӕрстыты рӕстӕджы. Уыдон ацыдысты сыгъдӕг ӕмӕ ӕргомӕй, алчидӕр баззад райгондӕй. Афтӕ ацӕудзысты президентон ӕвзӕрстытӕ дӕр. Ӕхсӕнад нал у мӕсты хӕст, ӕвзӕр цардуагон уавӕртӕй, уымӕ гӕсгӕ алцыдӕр уыдзӕн сабыр", — банысан кодта ПӔК-ы сӕргълӕууӕг.

Президенто Республики Южная Осетия Л.Тибилов - Sputnik Хуссар Ирыстон
Тыбылты Леонид кандидатты бафӕдзӕхста хицауад ӕмӕ оппонентты ӕфхӕрдӕй хи бахизын

Уый ма бафтыдта, Хуссар Ирыстоны закондӕттынадмӕ гӕсгӕ алкӕй кӕй нӕ срегистраци кӕндзысты президенты кандидатӕй ӕмӕ закӕттӕ хъуамӕ хъахъхъӕд цӕуой, фыццаджыдӕр, адӕм сӕ фидӕн кӕуыл ӕууӕндынц, уыдоны ӕрдыгӕй.

Паддзахадон ӕдасдзинады комитеты сӕргълӕууӕг ма загъта, абоны бон ӕддагон тыхтӕн сӕ бон нӕу, ӕвзӕрстытӕй пайда кӕнгӕйӕ, ӕппӕрццагӕй республикӕйы уавӕрыл бандавын.

Биноныгдзинады цензы тыххӕй

"Биноныгдзинады цензыл" дзургӕйӕ, Шаргаев банысан кодта, президенттӕм кандидаттӕ сӕхӕдӕг кӕй хъуамӕ бӕлвырд кӕной, цардысты фӕстаг

дӕс азы дӕргъы республикӕйы территорийыл ӕви нӕ, уымӕн та ӕвдисӕндар уаид, зӕгъӕм, фиддонты бафыст, цавӕрдӕр парти кӕнӕ организацийы уӕнгад. Йӕ ныхӕстӕм гӕсгӕ, ацы домӕн хъӕуы законмӕ гӕсгӕ, лӕмбынӕг ныффыссын.

"Махӕй алчидӕр зоны, чи цард ацы азты республикӕйы, чи та нӕ. Ӕмӕ адӕм хъуамӕ равзарой иууыл аккагдӕрты, кӕцытӕн ис фадат хорз администратортӕ суӕвын, кӕцытӕ удуӕлдайӕ сты республикӕйы фарс ӕмӕ цӕттӕ сты сӕ рӕдыдтытӕн дзуапп дӕттын", — банысан кодта Шаргаев.

Ног хабӕртты лентӕ
0