Джыккайты Шамилы мысӕн изӕр ацыд Цхинвалы

© Sputnik / Фатима ПлиеваДжыккайты Шамилы мысӕн изӕр Цхинвалы
Джыккайты Шамилы мысӕн изӕр Цхинвалы - Sputnik Хуссар Ирыстон
Рафыссын
Ӕрӕмбырдуӕвджытӕ кастысты ӕмдзӕвгӕтӕ, ӕрӕмысыдысты поэты сфӕлдыстад ӕмӕ йӕ ахаст райгуырӕн бӕстӕмӕ - кӕй уарзта йӕ райгуырӕн къуым Дзомагъ ӕмӕ йе‘стыр фыдыбӕстӕ Ирыстон

ЦХИНВАЛ, 3 мар — Sputnik. Зынгӕ ирон фыссӕг, поэт, драматург ӕмӕ тӕлмацгӕнӕг Джыккайты Шамилы мысӕн изӕр ацыд Цхинвалы фӕсивӕдон библиотекӕйы. Скъоладзаутӕ ӕмӕ студенттӕ кастысты поэтӕн нывонд ӕмӕ йӕхи фыст ӕмдзӕвгӕтӕ. Уӕрӕх экраныл равдыстой поэты къамтӕ, видеокадртӕ ӕмӕ алӕвӕрдтӕ.

Джусойты Нафийы номыл преми - Sputnik Хуссар Ирыстон
Джусойты Нафийы премийы фыццаг лауреат ссис дзӕнӕттаг Джыккайты Шамил

Ирыстоны адӕмон поэтӕн нывонд мадзалмӕ ӕрӕмбырд ис бирӕ адӕм — скъоладзаутӕ, студенттӕ, ирон ӕвзаг ӕмӕ литературӕйы ахуыргӕнджытӕ, библиотекӕты куысджытӕ, культурӕйы министрады минӕвӕрттӕ, фысджытӕ.

"Къостайы фӕстӕ нӕ тырыса Шамил уыд. Шамилы нын Хуыцау балӕвар кодта, ӕвӕццӕгӕн, Къостайӕн цъус цӕрӕнбон кӕй радта, уымӕн. Ӕз мӕхимӕ тӕхуды кӕнын, Джыккайты Шамилы кӕй зыдтон ӕмӕ иу рӕстӕг кӕй цардтӕн", — банысан кодта йӕ раныхасы депутат Гӕбӕраты Юрий.

Ирыстоны адӕмон поэт Джыккайты Шамил йӕ амӕлӕты фӕстӕ хорзӕхджын ӕрцыд Джусойты Нафийы фыццаг премийӕ. Поэтӕн йӕ ӕмдзӕвгӕтӕ зонынц ӕнӕкӕсгӕйӕ. Ирон литературӕйы иумӕйаг библиотекӕйы проекты фӕлгӕтты ацы аз рухсмӕ фӕзындзӕн Джыккайты Шамилы уацмысты ӕмбырдгонд.

© Sputnik / Фатима ПлиеваДжыккайты Шамилы мысӕн изӕр Цхинвалы
Вечер памяти Шамиля Джигкаева - Sputnik Хуссар Ирыстон
Джыккайты Шамилы мысӕн изӕр Цхинвалы

 

Цхинвалы ӕххӕст цӕуы ирон литературӕйы библиотекӕйы иумӕйаг националон проект
Райгуырд 25 февралы 1940 азы Хуссар Иры, Дзауы районы Дзомагъы. Ӕмдзӕвгӕтӕ фыссын райдыта 9-ӕм къласӕй фӕстӕмӕ. Джыккайты Шамилӕн кӕнинаг бирӕ баззад. Рацыд ын ӕмдзӕвгӕты ӕхсӕз ӕмбырдгонды ӕмӕ ӕртӕ пьесӕйы. 

Джыккайты Шамил уыд Иры раззагон интеллигенцийы ирддӕр минӕвӕрттӕй сӕ иу. Фыссӕджы йе ‘сфӕлдыстадон куысты тыххӕй фыдгӕнджытӕ амардтой 2011 азы 26 майы — уый фыста Беслӕны теракты организатортӕ ӕмӕ радикалон пысылмон диныл хӕст фыдгӕнджыты ныхмӕ.

Ног хабӕртты лентӕ
0