ЦХИНВАЛ, 4 апр — Sputnik. Фыццаг WorkOut фæзындзæн Цхинвал горæты цады цур, уый тыххæй Sputnik фехъусын кодта фæсивæдон организаци "Ног фæлтæр".
WorkOut у Уæрæсейы æнцонвадат спортивон фæзуæтты популярон формат, Хуссар Ирыстоны æрбайгомы инициатортæ сты федералон проект "Ӕвронг Уæрæсе", фæсивæды хъуыддæгты фæдыл федералон агентад (Ӕхсæнадæмон фæсивæдон центр) æмæ республикон фæсивæдон æхсæнадон организаци "Но фæлтæр".
Федералон проект "Ӕвронг Уæрæсейы" къухдариуæггæнæг Султан Хамзаевы ныхæстæм гæсгæ, уый у фыццаг ахæм фæзуат Уæрæсейæн æддейæ.
"Мах уæрæхдæр кæнæм нæ географи — гом кæнæм фæзуæттæ Уæрæсейæн æддейæ. Уый размæ мах сæйраджыдæр архайдтам Уæрæсейы территорийыл — гом кодтам спортивон фæзуæттæ æндæр æмæ æндæр регионты. Ныр мах кæнæм ног практикæ. Мæ нымадмæ гæсгæ, мах хъуамæ фылдæр æмгуыстад кæнæм æндæр республикæтимæ, уый нымæцы социалон проектты фæлгæтты", — загъта Султан Хамзаев.
Спортивон фæзуат æрбайгом уыдзæн 5 апрелы 11:00 сахатыл горæты цады цур.
