ХИПУ ссис Университетты евразиаг ассоциацийы советы уæнг

© Sputnik / Алексей КовалевХИПУ бæстыхай
ХИПУ бæстыхай - Sputnik Хуссар Ирыстон
Рафыссын
ХИПУ-ы ректор Тедеты Вадимы равзæрстой Университетты евразиаг ассоциацийы советы уæнгæй

ЦХИНВАЛ, 14 апр — Sputnik, Хъотайты Мария. ХИПУ-ы ахуыргæнджытæн фæзынд фадат ноджы уæлдæр ахуырад райсын МПУ-ы докторантурæйы бындурыл, фехъусын кодта Sputnik Хуссар Ирыстоны паддзахадон университеты ректор Тедеты Вадим.

ХИПУ - знон, абон, сом - Sputnik Хуссар Ирыстон
ХИПУ - знон, абон, сом

Ацы бонты ХИПУ-ы ректор Тедеты Вадим æмæ МПУ-ы ректор Виктор Садовничий бафыстой бадзырд дыууæ уæлдæр ахуырадон уагдæтты æхсæн. Уæд ма ХИПУ-ы ректоры равзæрстой Университетты евразиаг ассоциацийы советы уæнгæй, цæй сконды ис Уæрæсе æмæ фæссоветон тыгъдады 146 уæлдæр ахуырадон уагдоны.

"Университетты евразиаг ассоциацийы советмæ ХИПУ æрбацыд 2015 азы. Уый нын радта фадат æнгом бастдзинад саразын УФ уæлдæр ахуырадон уагдæттимæ. Уагдæтты æхсæн æмгуыстады фæдыл бадзырд ратдзæн фадат иумæйаг зонадон мадзæлттæ уадзын, нæ лекторты докторантурæмæ исын æнæаргъ бындурыл. Ацы аз ахæм фадат лæвæрд æрцыд филологон зонæдты кандидат Дзиццойты Юрий æмæ политикон зонæдты кандидат Плиты Сосланæн", — загъта Тедеты Вадим.

Афтæ ма ХИПУ-ы 16 кусæджы нывæндынц кандидатон диссертацитæ ныффыссын Мæскуыйы паддзахадон университеты кафедрæты цур. Раздæр ХИПУ-ы ахуыргæнджытæ сæ квалификаци фæбæрзонддæр кодтой РУДН, ЦИПУ æмæ ХМИ-ы.

Тедеты Вадимы ныхæстæм гæсгæ, МПУ-ы ректор фидарæй загъта хуссарирыстойнаг университетæн æххуыс кæнын, афтæ ма уазæгуаты æрцæуын Цхинвалмæ, университеты 85 азы юбилеймæ.

Ног хабӕртты лентӕ
0