04:44 24 ДЖЕОРГУЫБАЙЫ МÆЙ
 2017
Комкоммӕ эфир
Джусойты Нафийы зиан

10 мин адæймагæй фылдæр æрбацыд Нафийæн фæстаг хæрзбон зæгъынмæ

© Sputnik / Наталья Айриян
Ног хабӕрттӕ
Чысыл дӕнцӕг
23 0 0

Поэтæн хæрзбон зæгъыны церемони ацыд Хуссар Ирыстоны парламенты бæстыхайы

ЦХИНВАЛ, 29 июн — Sputnik, Босыкты Наталья. Зынгæ ирон фыссæг æмæ ахуыргонд Джусойты Нафийæн фæстаг хæрзбон зæгъынмæ æрбацыд 10 мин адæймагæй фылдæр.

Саударæн процессийы хиуæттæ, коллегæтæ, табугæнджытæ, æхсæнады æмæ республикæйы къухдариуæгады минæвæрттæ президент Бибылты Анатолийы сæргълæудæй  æнæкæрон гуылфæнæй цыдысты марды чырынмæ, æвæрдтой дидинтæ.

Панихидæ райдыдта Хуссар Ирыстоны фысджыты цæдисы сæргълæууæг Хъазиты Мелитоны раныхасæй.

"Нафи уыд курдиатджын адæймаг æмæ уыд академикы номы аккаг, кæд æмæ йын лæвæрд не ′рцыд, уæддæр. Сфæлдыстадон адæймагæн йæ амæлæты бон у йæ дыккаг райгуырды бон, æмæ йæ лæггæдтæ иууылдæр нымад æрцæудзысты", — загъта Хъазиты Мелитон.

Паддзахады сæргълæууæг Нафийы схуыдта "зæд", кæцы лæвæрд æрцыд Ирыстонæн, цæмæй йын йæ ном скадджын кæна.

"Мах абон йе ′нусон бынатмæ фæндараст кæнæм зæды, кæцы Ирыстонæн лæвæрд æрцыд, цæмæй йæ скадджын кæна. Нафи у æнæхъæн дуг æмæ йыл цас фæнды ма цæуа, уæддæр уый ацыд æнæрæстæджы, уымæн æмæ йын бирæ цыдæртæ нæ бантыст саразын. Уый у ахæм адæймаг, кæцыйы мах уарзæм, кад ын кæнæм æмæ йæ никуы ферох кæндзыстæм", — загъта Бибылты Анатолий.

Панихидæйы фæстæ саударæн кортеж араст парламенты бæстыхайæ Националон пантеонмæ, цы ран поэт ссардта йе ′нусон бынат.

Джусойты Нафи райгуырд 1925 азы 27 февралы Дзауы районы Ногхъæуы зæхкусæджы бинонты хсæн. 16-аздзыдæй бацыд бархионæй сырх æфсадмæ æмæ йæ рæнхъыты уыд Стыр Фыдыбæстæйон хæсты фондз аз æнæхъæнæй.

Уый уыд поэт-академик, Хуссар Ирыстоны зонадон-иртасæн институты сæйраг зонадон кусæг, каст лекцитæ Хуссар æмæ Цæгат Ирыстоны паддзахадон университетты.

Нафи бахаста егъау хайбавæрд Хуссар Ирыстоны хæдбардзинады рæзтмæ, цалдæр хатт æвзæрст æрцыд республикæйы закондæттæн органы депутатæй. Хæрзæхджын у "Кады нысан"-ы орденæй. У Хетæгкаты Къостайы премийы лауреат.

Сӕйраг темӕтӕ