17:54 20 РУХÆНЫ МÆЙ 2017
Комкоммӕ эфир
Сослан Рамонов

Рӕмонаты Сослан UWW-ы рейтингы схызт фыццаг бынатмӕ

© Sputnik / Константин Чалабов
Ног хабӕрттӕ
Чысыл дӕнцӕг
11610

Хъӕбысхӕсты баиугонд дунейы (UWW) ивгъуыд мӕйы бæрæггæнæнтæм гæсгæ, ирон богал у 65 кг уæзы дунейы иууыл æнтыстджындæр хъӕбысӕйхӕцӕг

ЦХИНВАЛ, 12 июл — Sputnik. Ирон спортсмен, уӕгъдибар хъӕбысхӕстӕй олимпиаг чемпион Рӕмонаты Сослан Хъӕбысхӕсты баиугонд дунейы (UWW) рейтингы ивгъуыд мӕйы бӕрӕггӕнӕнтӕм гӕсгӕ схызт фыццаг бынатмæ, хъусын кæны агентад "Весь спорт".

Хъӕбысхӕсты баиугонд дуне (UWW) раног кодта уӕгъдибар стилы дунейы хуыздӕр богалты рейтинг.

8 уӕзы категорийы фыццаг рӕнхъытӕй цыппар бацахстой уӕрӕсейаг спортсментӕ. Ирон богал Рæмонаты Сосланӕй дарддӕр ма рейтингы фыццаг бынӕттыл сты олимпиаг хъазтыты уӕлахиздзау Абдулрашид Садулаев (86 кг), Риойы ӕвзист призер Аниуар Гедуев (74 кг) ӕмӕ архайгӕ дунейы чемпион Магомед Курбаналиев (70 кг).

Рӕмонаты Сослан ссис олимпиаг чемпион уӕгъдибар хъӕбысхӕстӕй 65 кг уӕзы категорийы Рио-де-Жанейройы олимпиаг хъæзтыты рæстæджы.

Ирон богал 2016 азы хорзæхджын æрцыд Хуссар Ирыстоны уӕлдӕр паддзахадон хорзӕх — орден "Уацамонгӕ"-йӕ, Цæгат Ирыстоны майдан "Во славу Осетии"-йæ æмæ  Уæрæсейы "Хæларады орден"-æй.

Сӕйраг темӕтӕ