03:47 21 ДЖЕОРГУЫБАЙЫ МÆЙ
 2017
Комкоммӕ эфир
Район Хурзарин города Цхинвала

Бибылты Анатолий бахæс кодта бауадзын газ микрорайон "Хурзæрин"-мæ

© Sputnik / Ада Багиан
Ног хабӕрттӕ
Чысыл дӕнцӕг
10 0 0

Бибылты Анатолий баныфсæвæрдта микрорайон "Хурзæрин"-ы цæрджытæн, уазæлтты æрбалæуды онг сæ хъармгæнæн системæтæм уагъд кæй æрцæудзæн газ

ЦХИНВАЛ, 13 июл — Sputnik, Козаты Диана. Хуссар Ирыстоны президент Бибылты Анатолий бахæс кодта ПУК "Энергоресурс"-æн зымæгмæ газæй сифтонг кæнын микрорайон "Хурзæрин". Бибылты Анатолий цыппæрæмы фембæлд микрорайоны цæрджытимæ, кæцытæ бахатыдысты президентмæ, цæмæй сын баххуыс кæна рухсы фæдыл сæ хæсимæ, фехъусын кодтой президенты пресс-службæйы.

Хурзæрин-ы цӕрджытӕ
© Sputnik / Мария Котаева

Президент бахæс кодта "Энергоресурс"-ы генералон директор Гæбæраты Аланæн уазæлтты æрбалæуды онг хъармгæнæн системæтæм газ бауадзын. Уый та президенты ныхæстæм гæсгæ, фадат ратдзæн æрмæст хæдзæрттæ хуыздæр хъарм кæнынæн нæ, фæлæ ма сæ ссæрибар кæндзæн электрон тæвдгæнæнтæй пайдакæнынадæй.

"Сæрдыгон рæстæг сымах нæ пайда кæнут тæвдгæнæнтæй, æмæ уæ курæг дæн, цæмæй æххæстæй фидат уæ фиддонтæ. Уый бирæ æхца нæ уыдзæн", — загъта уый.

Бибылты Анатолий банысан кодта, зæгъгæ газ цы районты нæй, уыдоны цæрджытæ рухсы æхца фиддзысты фæасламдæргонд тарифтæм гæсгæ — кВт-тæн 2,64 сомы бæсты, æрмæстдæр 2 сомы.

Сӕйраг темӕтӕ