ЦХИНВАЛ, 13 июл — Sputnik. Вокалон конкурс "Ты супер!"-ы хайадисæг Хуссар Ирыстонæй Гæбæраты Арина хуыцаубоны ацæудзæн улæфынмæ æппæтуæрæсейон сывæллæтты центр "Орленок"-мæ
"Уый тынг хорз у, бузныг ацы фадаты тыххæй", — загъта Sputnik Арина.
"Орленок"-ы сæйраг сценæйыл 4 августы ацæудзæн стыр концерт, цы ран сæ арæхстдзинад равдисдзысты æхсæнадæмон вокалон конкурс "Ты супер!"-ы хайадисджытæ
Sputnik уаддзæн комкоммæ трансляци концертæй.
Сывæллæттæ 11 бæстæйæ, кæцытæй иууыл кæстæрыл цæуы 8 аз, иууыл хистæрыл та 18 азы, баулæфдзысты Сау денджызы былыл.
Информацион агентад æмæ радио Sputnik æмæ телеканал НТВ иумæйаг проект "Ты супер!" балæвар кодта сæ ном айхъусын кæныны фадат сидзæр курдиатджын сывæллæттæн.
Июньæй телекæсджыты куырдиаттæм гæсгæ райдыдта æвзæрст "Ты супер! Танцы" æвзæрст.
