23:26 23 КÆФТЫ МÆЙ
 2017
Комкоммӕ эфир
Транскам

"Аланты фæд": ӕртӕ бон Хуссар Иры

© Sputnik / Владимир Иванов
Ног хабӕрттӕ
Чысыл дӕнцӕг
37 0 0

Æхсæнадæмон проект "Аланты фæд"-ы архайджытӕ 12-14 августмӕ уыдзысты Хуссар Иры. 34 адӕймаджы Сири, Турк, Венгри, Франц, Казахстан ӕмӕ Украинӕйӕ зонгӕ кӕндзысты Ирыстоны хуссаримӕ.

ЦХИНВАЛ, 9 авг — Sputnik. Плиты Фатима. Æхсæнадæмон проект "Аланты фæд"-ы архайджытæ фӕуазӕг уыдзысты Хуссар Ирыстонмӕ 12-14 августы, фехъусын кодтой Sputnik фӕсивӕдон комитеты пресс-службӕйы.

Аланты фӕдонтӕ дунейы алы къуымтӕй ӕрӕмбырд кодта æхсæнадæмон проект "Аланты фæд". Мадзал цӕуы ныр ӕртыккаг аз.

"Не 'мирон адӕм Хуссар Ирмӕ ӕрцӕудзысты сабаты. 34 адӕймаджы Сири, Турк, Венгри, Франц, Казахстан ӕмӕ Украинӕйӕ Цхинвалы фембӕлдзысты республикӕйы президент Бибылты Анатолийимæ ӕмӕ ХИЗИИ историктимæ, бабӕрӕг кӕндзысты Национ музей", — загъта уагдоны пресс-секретарь Софа Исаакян.

Уый ма банысан кодта, уазджытӕн Цхинвалӕй дарддӕр арӕзт ӕрцӕудзӕн балцытӕ Дзауы ӕмӕ Знауыры районтӕм.

"Развӕлгъау программӕмӕ гӕсгӕ ӕхсæнадæмон проект "Аланты фæд"-ы архайджытӕ бабӕрӕг кӕндзысты Знауыры районы Тигъуайы хъæуы Мад Майрӕмы фынӕты аргъуан ӕмӕ Дзагъинайы мӕсгуыты комплекс, уымӕй дарддӕр ма бӕлцӕттӕн арӕзт ӕрцӕудзӕн экскурси Къуыдаргомы хъӕутӕ Цъон, Эрцъо ӕмӕ горæт Къуаисамæ", — балхынцъ кодта уый.

Æхсæнадæмон проект "Аланты фæд"-ы архайджытӕ Цхинвалмӕ ӕрцыдысты ивгъуд аз дӕр.

Сӕйраг темӕтӕ