Бибылты Анатолий: амалиуæггæнджытæ æрмæст пайдайыл ма хъуамæ хъуыды кæной

© Пресс-служба президента РЮОВстреча президента РЮО с предринимателями
Встреча президента РЮО с предринимателями - Sputnik Хуссар Ирыстон
Рафыссын
Хуссар Ирыстоны президент æртыццæджы фембæлд бынæттон амалиуæггæнджытимæ

ЦХИНВАЛ, 9 авг — Sputnik, Босыкты Наталья. Амалиуæггæнджытæ хъуамæ æххæст кæной сæ хæс паддзахады раз, фехъусын кодта Хуссар Ирыстоны президент Бибылты Анатолий æртыццæджы, хуссарирыстойнаг амалиуæггæнджытимæ фембæлды рæстæджы.

Встреча посла РЮО в РФ Гассиева с губернатором Ростовской области Голубевым - Sputnik Хуссар Ирыстон
Хуссар Ир хоны донаг бизнес республикӕмӕ инвестицитӕ саразынмӕ

Амалиуæггæнджытимæ фембæлд арæзт æрцыд паддзахады сæргълæууæджы хъæппæрисæй æртыццæджы парламенты бæстыхайы. Ардæм æрæмбырд республикæйы цы 1340 амалиуæггæнæг ис регистраци, уыдонæй 70 минæвары.

"Амалиуæггæнджытæ хъуамæ цæсгомджынæй æххæст кæной сæ хæстæ паддзахады раз. Уыдон хъуамæ хицæн кæной фиддонтæ пенсион фондмæ, фидой хъалон æмæ уадзой æппæт æнæмæнгхъæуæг информаци", — загъта президент.

Паддзахады сæргълæууæг бахахх кодта, æрвылмæй республикæйы пенсион фонд кæй фиды æмбæстæгтæн 26 милуан сомы бæрц пенситæ, кæд æмæ фонды æрвылмæйон æфтиаг 23 милуан сомæй фылдæр нæу, уæддæр. Уый банысан кодта, ацы азы кæронмæ пенсион фондæн йæ бон кæй нал уыдзæн йæхи фæрæзтæй фидын пенситæ.

Посадка цветов в Цхинвале - Sputnik Хуссар Ирыстон
Виолеттайы чысыл бизнес: дидинджытæ Цхинвалы уынгтӕн

"Амалиуæггæнджытæ æрмæст сæхи пайдайыл ма хъуамæ хъуыды кæной, фæлæ ма аудой сæ кусджытыл дæр æмæ хицæн кæной фиддонтæ пенсион фондмæ. Не ′мбæстæгтæн пенситы фидыны хъуыддаг у комкоммæ баст паддзахадон куыстуæтты кусджыты мыздтимæ", — загъта Бибылты Анатолий.

Уымæй дарддæр ма, президент банхъардта амалиуæггæнджытæн, цæмæй фæдзæхсой сæ кусджыты, бизнес æмæ ифтонггарз, цæмæй фæстæдæр сæхи бахизой финансон зиæнттæй.

Фембæлды ма уынаффæ цыд чысыл бизнесæн æххуыс æмæ размæцыды перспективæтыл. Президент банысан кодта, уыдонæн рахицæн кæй цæудзысты фæрæзтæ чысыл амалиуæгады субъектты уæлбар кредиткæнынады фæдыл парламент цы закон райста, уый бындурыл, æмæ кæцыйыл паддзахады сæргълæууæг йæ къух бафысдзæн ацы аз сентябры.

"Ацы закон хъæуы, уымæн æмæ чысыл амалиуæгады нæ хъæуы бирæмилуанон æххуыс", — загъта Бибылты Анатолий.

Закон рагхыгъд кæны уæлбар кредиткæнынад ахæм къабæзты, куыд хъæууон хæдзарады продукцийы кондад, рацарæзт æмæ реализаци, адæмæн цæрæнуатон-коммуналон лæггæдтæ кæнын, кондад, аивадон амалиуæг, ахуырадон архайд, медицинæ, æхсæнадон хæрд.

Ног хабӕртты лентӕ
0