19:19 18 МАЙРÆМТЫ МÆЙ 2017
Комкоммӕ эфир
Звукорежиссер йӕ куысты уӕлхъус

Tелеканал "Осетия-Ирыстон" кусдзӕн ӕппӕт Уӕрӕсе ӕмӕ уый ӕддейӕ

© Sputnik / Евгений Биятов
Ног хабӕрттӕ
Чысыл дӕнцӕг
11 0 0

Телеканал кусдзӕн ӕппынӕдзух, бакӕсӕн йӕм уыдзӕн Интернеты, "Триколор" ӕмӕ хуымӕтӕг антеннӕты руаджы

ЦХИНВАЛ, 10 авг — Sputnik, Уалыты Диана. Цӕгат Ирыстоны националон телекомпани "Осетия-Ирыстон" марты ацыд официалон регистраци куыд дзыллон информацийы фӕрӕз, азы кӕрон йӕм бакӕсӕн уыдзӕн ӕппӕт Уӕрӕсейы ӕмӕ ӕндӕр бӕстӕтты дӕр.

"Цалцӕггӕнӕн куыстытӕм ӕнӕкӕсгӕйӕ, мах бавнӕлдтам цалдӕр телепроект исынмӕ. Ӕппӕт нӕ радзурдзӕн, фӕлӕ уыдон нывонд сты Ирыстоны истори ӕмӕ культурӕйӕн. Бафӕлвардзыстӕм ӕппӕт телекӕсджыты домӕнтӕн дзыуапп дӕттын", — хъусын кӕны националон телекомпани къухдариуӕггӕнӕг Дзабиты Эльбрус.

Алӕвӕрдтӕ уыдзысты ирон ӕмӕ уырыссаг ӕвзӕгтыл. Уӕлдай хъусдард здӕхт уыдзӕн мадӕлон ӕвзагмӕ.

Дзабиты Эльбрус ма банысан кодта, алӕвӕрдтӕ ӕндӕр бӕстӕты кӕй ӕвдисдзысты, уымӕ гӕсгӕ ахсджиаг у базонгӕ сӕ кӕнын нӕ истори ӕмӕ культурӕимӕ.

Телеканал кусдзӕн ӕппынӕдзух, бакӕсӕн йӕм уыдзӕн Интернеты, "Триколор" ӕмӕ хуымӕтӕг антеннӕты руаджы.

Сӕйраг темӕтӕ