19:20 18 МАЙРÆМТЫ МÆЙ 2017
Комкоммӕ эфир
Ир Петербургæй æрцыд Мæскуымæ: равдысттæ Галерея А3-йы

Ир Петербургæй æрцыд Мæскуымæ: равдысттæ "Галерея А3"-йы

© Sputnik / Мария Шелудякова
Ног хабӕрттӕ
Чысыл дӕнцӕг
6 0 0

Ӕрвылазон фестиваль "Хуссар Ирыстон" ногæй аздæхта уæрæсейаг аивадуарзджыты хъусдард ирон нывгæнджытæм, ацы аз та Санкт-Петербургæй

ЦХИНВАЛ, 11 авг — Sputnik. Мæскуыйаг"Галерея А3"-йы уагъд цæуы Хуссар Ирыстонæн нывонд фæндзæм фестиваль. Фестивалы фæлгæтты æмрæстæджы æрбайгом сты дыууæ равдысты: экспозици "Гасситы Сергейы хуымæтæг сюжеттæ", кæцы у нывонд нывгæнæджы 50 азы юбилейæн æмæ Санкт-Петербурджы ирон нывгæнджыты иумæйаг равдыст.

Гасситы Цопан ныр фондз азы фæд-фæдыл Мæскуыйы центры аразы зындгонд ирон нывгæнджыты куыстыты равдысттæ, куыд номдзыд, афтæ æрыгон нывгæнджытæн.

"Абон мах уæ размæ рахастам Санкт-Петербурджы ирон нывгæнджыты иумæйаг равдыст. Уыдон сты – Абайты Евгений, Бигъуылаты Рудольф æмæ Тыбылты Махарбег. Дыккаг равдыст та у Гасситы Сергейы экспозици", — банысан кодта организатор.

Мæскуымæ равдыстмæ æрцæуын бантыст æрмæстдæр Махарбегæн. Уый банысан кодта, зæгъгæ, "ирон нывгæнджытæн арæх вæййы равдысттæ Санкт-Петербурджы æмæ цæгаттаг столицæйы аивадуарзæг ныридæгæн сахуыр ис нæ пейзажтыл – хæхтыл æмæ хæххон цæугæдæттыл. Фæлæ Мæскуыйы хъуыддаг нырма æндæрхуызон у".

Аннæ автор, Абайты Евгений зындгонд у йæ гобелентæй – уыдонæн сæ фылдæр ласт æрцыдысты Европæйы сæрмагонд коллекцитæ æмæ равдысттæм. Раздæр уый каст лекцитæ Штиглицы номыл Санкт-Петербургаг нывгæнæн-сæудæджерадон академийы. Ныртæккæ уый дарддæр хæст у нывкæнынадыл.

Гасситы Сергейы куыстыты сери уыд нывонд музыканттæн. Фыццаг бакастæй йæ куыстытæ сты йæ фыд Хсары куыстыты æнгæс. Ацы сери саразынмæ йæ сразæнгард кодтой музыкæ чи ахуыр кæны ахæм сывæллæттæ: фæстаг дыууæ азы уый амоны нывкæнынад сывæллæтты аивæдты скъолатæй иуы.

"Концерттæ арæх вæййынц æмæ сæм арæх фæцæуын. Музыкалон инструменттыл архайæг адæмы фæлгонцтæ райгуырдысты сæхæдæг. Ацы куыстытæ сты бынтон ног, фыццаг хатт исынц хайад равдысты. Сери нырма нæ балхынцъ кодтон – адарддæр æй кæндзæн".

Равдыстытæ фенæн уыдзæн Мæскуыйы "Галерея А3"-ы 10-20 августы.

Сӕйраг темӕтӕ