ЦХИНВАЛ, 22 авг — Sputnik. Цæгатирыстойнаг сфæлдыстадон лаборатори "Портал"-ы хайадисджытæ сæххæст кодтой 4000 км дæргъæн велозгъорд Туркмæ, цæмæй сæвæрой цырт Беслæны трагедийы амæттæгтæн, хъусын кæны газет "Слово".
"Скульптурæ уыдзæн хызæджы хуызæн, кæцы мах аразæм æфсæйнаг трубæтæй. Йæ астæутыл цæудзæн дон, фæлæ йæм баххæссæн нæ уыдзæн", — радзырдтой скульптортæ мыхуыры фæрæзæн.
Цырт æрцæудзæн æвæрд ирон хъæу Poyrazli трагикон цауæн нывонд къохы. Ныридæгæн у цæттæ монументы бындур, йæ сæвæрынæн сын баххуыс кодтой бынæттон дæснытæ. Афтæ ма йæм уагъд æрцыдысты доныхæтæлтæ.
