12:14 13 ЦЫППУРСЫ МÆЙ 2017
Комкоммӕ эфир
Гасситы Мурӕт

Гасситы Мурæт йæ 24-æм райгуырæн бон нысан кæны Америкæйы

© Sputnik / Алана Сабеева
Ног хабӕрттӕ
Чысыл дӕнцӕг
18 0 0

Дунейы чемпион Ирыстонæй йæхи цæттæ кæны Кшиштоф Влодарчикимæ тохмæ

ЦХИНВАЛ, 12 окт — Sputnik. IBF версимæ гæсгæ дунейы чемпион боксæй Гасситы Мурæт дыццæджы нысан кæны йæ 24-æм райгуырæн бон. Йæ райгуырæн бон спортсмен нысан кæны Америкæйы, цы ран уый йæхи цæттæ кæны Кшиштоф Влодарчикимæ тохмæ зындгонд тренер Абель Санчесы къухдариуæгады бын.

Гасситы Мурæт райгуырд Дзæуджыхъæуы. Ӕнæбасæтгæ чемпион йæ фыццаг профессионалон тох ауагъта 2011 азы æмæ дыууæ азы фæстæ рамбылдта WBC версимæ гæсгæ фæсивæды æхсæн дунейы чемпионы титул, гуырдзиаг боксер Леван Джамардашвилийы нокауты арвитгæйæ. Ноджы ма иу азы фæстæ Гасситы Мурæт ссис IBF версимæ гæсгæ Европæйы чемпион.

Ӕрыгон спортсмены иууыл сæйрагдæр æнтыст у уæрæсейаг спортсмен, дунейы чемпион Денис Лебедевыл фæуæлахиз. Фарон декабры ацы уæлахиз сарæзта Мурæтæй IBF версимæ гæсгæ дунейы чемпион фыццаг уæззау уæзы.

Гасситы Мурæт райдыдта тринировкæ кæнын боксерон клуб "Ариана"-йы Уæрæсе æмæ Хуссар Ирыстоны сгуыхт тренер Сланты Виталиймæ, кæцыимæ кусы ныры онг дæр. 2014 азæй фæстæмæ Гасситы Мурæт рæстæгæй рæстæгмæ тренировкæ кæны Америкæйы.

21 октябры уый хъуамæ фыццаг хатт бахъахъхъæна чемпионы титул. Ӕппæтдунейон боксерон суперсерийы фæлгæтты Мурæт фембæлдзæн рингыл польшæйаг боксер Кшиштоф Влодарчикимæ.

Сӕйраг темӕтӕ