18:09 20 ДЖЕОРГУЫБАЙЫ МÆЙ
 2017
Комкоммӕ эфир
РХИ æфсæддонтæ хайад райстой Плиты Иссæйæн цырт бакæныны церемонийы Монголийы

РХИ æфсæддонтæ хайад райстой Плиты Иссæйæн цырт бакæныны церемонийы Монголийы

© "15-Й РЕГИОН"
Ног хабӕрттӕ
Чысыл дӕнцӕг
11 0 0

Зындгон æфсæдты хистæрæн цырт бакæныны цытджын церемонийы хайад райстой делегацитæ Хуссар Ирыстон æмæ Уæрæсейæ

ЦХИНВАЛ, 15 ноя — Sputnik. Монголийы столицæ Улан-Баторы уагъд æрцыд Советон Цæдисы дыууæ хатты хъайтар, Монгойлаг адæмон республикæйы хъайтар Плиты Иссæйæн цырт æрбайгом кæныны церемони, хъусын кæны 15 регион.

Хайты Ибрагимы скульптурæ у лæвар Улан-Баторæн ирон адæмы номæй, кæцы радтой Хуссар æмæ Цæгат Ирыстоны паддзахадон делегациты минæвæрттæ.

Хуссар Ирыстонæй мадзалы хайад райстой: хъахъхъæнынады министр, инæлар-лейтенант Гассеты Ибрагим, министры æххуысгæнæг, булкъон Гасситы Ӕхсар, РХИ МХМ-ы сæрмагонд нысаниуæджы къорды командир Плиты Игорь.

Уæрæсейаг делегацийы скондмæ бацыдысты Уæрæсейы Федерацийы Советы уæнгтæ: Мамсыраты Таймураз, Жамсуев Баир, Михаил Козлов, афтæ ма Дзæуджыхъæуы мэр Хæдæрцаты Махарбег æмæ скульптор, проекты автор Хайты Ибрагим.

Делегацитæ фембæлдысты Монголийы президент Халтмаагийн Баттулгаимæ.

Нæ зындгонд æмзæххонæн – инæлар Плиты Иссæйæн цырт æрбайгом кæныны церемони ацыд советон хæстонты номарæн Мемориалыл, Зайсан-Толгойы.

Мемориалы территорийыл ма æрбайгом Плиты Иссæйы цардæн нывонд равдыст, кæцы бацæттæ кодта республикæйы националон музей.

В Монголии открыли памятник прославленному военачальнику Иссе Плиеву
Плиты Иссæйæн цырт бакæныны церемони Монголийы

Цырт æрбайгом кæнын рæстæджы Ирыстоны минæвæрттæ апырх кодтой зæххы армыдзыхъхъ Уæллаг Рукъ æмæ Бæтæхъойы хъæуæй – ирон инæлары Райгуырæн зæххæй.

Проекты инициатор у Дзанайты Азанбеджы номыл культурæйы фонды президент Дзанайты Зауыр, генералон партнер ссис Серхио Эрнандес – легендарон Мамсыраты Хадзы-Умары хъæбулы хъæбул.

Сӕйраг темӕтӕ