21:12 22 ТЪÆНДЖЫ МÆЙ
 2018
Комкоммӕ эфир
Транскам

Бибылты Анатолий радзырдта, кæд уыдзæн Хуссар Ирыстоны резервон электроифтонгад

МЧС РЮО
Ног хабӕрттӕ
Чысыл дӕнцӕг
1710

Президент радзырдта электрохызæджы хæтæлтыл авариты фæстиуджытæ фæкъаддæр кæнынмæ здæхт мадзæлттыл

ЦХИНВАЛ 28 дек— Sputnik, Козаты Диана. 2018 азы райдианы Хуссар Ирыстоны райдайдзысты электрохызæджы резервон хаххы арæзтады фæдыл куыстытæ, загъта ацы аз хатдзæгон пресс-конференцийы рæстæджы Цхинвалы президент Бибылты Анатолий.

Республикæ цыппар суткæйы бæрц уыд æнæ рухсæй электрохызæгыл аварийы аххосæй. Ирвæзынгæнджытæ æмæ тыхон структурæтæ аиуварс кодтой цалдæр аварийы электрохæтæлыл, уыдон нымæцы зынвадат бынæтты.

"Ис æмбарынад Уæрæсейы æрдыгæй æмæ нæм фидæммæ фæзындзæн электроэнергийы резервон ратæдзæн. УФ-йы хицауад райста уынаффæ, махæн электрогенератор рахицæн кæнын, цæй хъомыстæ фаг уыдзысты республикæ рухсæй сифтонг кæнынæн. Уый уыдзæн 2018 азы райдианы", — загъта Бибылты Анатолий.

Бибылты Анатолий ма загъта бузныг, ацы вазыгджын уавæрты чиддæриддæр æххуыс кодта аварийы фæстиуджытæ иуварс кæнынæн, афтæ ма уыцы рæстæджы чи критикæ кодта хицауад, "фæлæ уыдон куы федтаиккой, сæрмагонд службæты специалисттæ куыд цæуынц аварийы бынатмæ æмæ удуæлдай куыст куыд кодтой ацы бонты, уæд аивиккой сæ цæстæнгас".

Уый ма загъта, ацы куыстытæ æмбæлонæй æвдыст кæй нæ цыдысты мыхуыры фæрæзты, уымæн та йæ аххосæг уый мидæг уыдис æмæ "проблемæ иуварс кæныныл чи куыста, уыцы адæмы нæ фæндыд тасы æппарын журналистты".

Сӕйраг темӕтӕ