03:06 24 КÆФТЫ МÆЙ
 2017
Комкоммӕ эфир
Волейболисткӕтӕ сӕ тыхтӕ бавзардзысты ӕхсӕнадӕмон турниры Цхинвалы

Волейболисткӕтӕ сӕ тыхтӕ бавзардзысты ӕхсӕнадӕмон турниры Цхинвалы

© Sputnik / Павел Лисицын
Спорт
Чысыл дӕнцӕг
Хуссар Ирыстон нысан кӕны йӕ 25 азы юбилей (27)
24 0 0

Республикӕйы 25 азы юбилейон бӕрӕгбонмӕ волейболы турниры сӕ тыхтӕ бавзардзысты Цхинвал, Мӕскуы, Ростов ӕмӕ Дзӕуджыхъӕуы командӕтӕ.

ЦХИНВАЛ, 15 сен — Sputnik. Волейболӕй ӕхсӕнадӕмон турнир чызджыты ӕхсӕн уагъд ӕрцӕудзӕн Цхинвалы. Спортивон мадзал уагъд цӕуы Республикӕйы боны цытӕн, фехъусын кодта Sputnik тренер Цхуырбаты Вадим.

"Развӕлгъау бӕрӕггӕнӕнтӕм гӕсгӕ, ерысты хайад райсдзысты ӕхсӕз командӕйы, уыдон ӕхсӕн Мӕскуы, Ростов ӕмӕ Дзӕуджыхъӕуы спортсментӕ", — банысан кодта тренер.

Цхуырбаты Вадим банысан кодта, Цхинвалы ма ӕрӕджы, Хуссар Ирыстоны хӕдбардзинад Уӕрӕсейы Федерацийы ‘рдыгӕй банымайыны бӕрӕгбоны цытӕн, кӕй ауагъдӕуыд ерыстӕ волейболӕй, фӕлӕ уӕд Транскамыл цъыфы зӕйтӕ ӕрцыды фӕстиуӕгӕн бирӕ командӕтӕн сӕ бон нӕ бацис турнирӕн.

"Уымӕ гӕсгӕ нӕ куыд фӕндыд, ахӕм айтыгъд нӕ уыд турнирӕн", — загъта уый.

Турнир уагъд цӕудзӕн Цхинвалы 25-27 сентябры.

Чызджыты командӕты ӕхсӕн волейболы турнир Цхинвалы организацигонд цӕуы Фӕсивӕдон политикӕ, спорт ӕмӕ туризмы комитеты тыхтӕй. Ерысты архайдзӕн скъолайы кары сывӕллӕтты командӕтӕ. Турнир райдайдзӕн райсом 10:00 сахатыл Спортивон скъолайы бӕстыхайы.

Темӕтӕ:
Хуссар Ирыстон нысан кӕны йӕ 25 азы юбилей (27)

Сӕйраг темӕтӕ