Республикӕйы боны цытӕн Цхинвалы 3-ӕм скъола ауагъта спортивон ерыстӕ

© Sputnik / Аида ГагиеваРеспубликӕйы боны цытӕн Цхинвалы 3-ӕм скъола ауагъта спортивон ерыстӕ
Республикӕйы боны цытӕн Цхинвалы 3-ӕм скъола ауагъта спортивон ерыстӕ - Sputnik Хуссар Ирыстон
Рафыссын
Командон ерысты уӕлахиздзау ссис 7-ӕм кълас. Ныр иу азы дӕргъы сӕ къласы ӕрфысым уыдзӕн директоры фӕззыгон кроссы Кубок. Хисӕрмагонд ерысты та лӕппуты ӕхсӕн уӕлахиздзау ссис Ӕлборты Азӕмӕт, чызджытӕй та - Джиголаты Сабинӕ.

Цхинвал, 17 сен — Sputnik. Цхинвалы ӕртыккӕгӕм астӕуккаг скъолайы ахуырдзауты ӕхсӕн скъолай директоры фӕззыгон Кубок рамбулыны сӕраппонд уагъд ӕрцыдысты ерыстӕ. Мадзалмӕ фӕуазӕг Sputnik уацхӕссӕг дӕр.

Скъоладзаутӕ Октябры уынджы ног ӕвӕрд асфальтыл сӕ тыхтӕ ӕвзӕрстой 400, 800 ӕмӕ 1500 метрмӕ лидзынӕй, армспортӕй ӕмӕ спорты ӕндӕр хуызтӕй. Сӕ архайдӕн сын аргъ кодта физкультурӕйы сгуыхт кусӕг Гатыгкоты Василий.

"Ахӕм ерыстӕ уадзӕм 2010 азӕй фӕстӕмӕ. Ивгъуыд азты-иу скъолайы директоры кубок рамбулыны ерыстӕ уагътам октябры, фӕлӕ нӕ ацы аз бафӕндыд, цӕмӕй Республикӕйы юбилей спортивон мадзалӕй банысан кӕнӕм", — радзырдта директор Бестауты Мадина.

© Sputnik / Аида ГагиеваСкъоладзаутӕ сӕ тыхтӕ ӕвзӕрстой 400, 800 ӕмӕ 1500 метрмӕ лидзынӕй.
Веселые старты - Sputnik Хуссар Ирыстон
Скъоладзаутӕ сӕ тыхтӕ ӕвзӕрстой 400, 800 ӕмӕ 1500 метрмӕ лидзынӕй.

Йӕ ныхӕстӕм гӕсгӕ, спортивон ерыстӕ рӕзгӕ фӕлтӕртӕн дӕттынц патриотикон хъомылад, скъоладзаутӕ фидар кӕнынц се ‘нӕниздзинад ӕмӕ спортивон цӕттӕдзинад.

"Мадзалӕн ма ис монон-фӕткӕвӕрдон нысаниуӕг дӕр", — банысан кодта директор.

Ӕвзонг спортсментӕн ма раарфӕ кӕнынмӕ ӕрбацы РХИ фӕсивӕдон политикӕ ӕмӕ спорты комитеты сӕрдар Зассеты Сергей.

Ерыстӕ рамбылдта 7-ӕм къласы командӕ ӕмӕ ныр иу афӕдзы дӕргъы сӕ къласы ӕрфысым уыдзӕн директоры фӕззыгон кроссы Кубок.

© Sputnik / Аида Гагиева7-ӕм къласы ныр иу афӕдзы дӕргъы ӕрфысым уыдзӕн директоры фӕззыгон кроссы Кубок.
Веселые старты - Sputnik Хуссар Ирыстон
7-ӕм къласы ныр иу афӕдзы дӕргъы ӕрфысым уыдзӕн директоры фӕззыгон кроссы Кубок.

Ерыстӕ организацигонд ӕрдысты скъолайы коллективы тыхтӕй. Се ‘ ххуысы къух ма сӕм фӕдардтой Паддзахадон Автоинспекци, Зынгирвӕзты ныхмӕ тохы сужбӕ ӕмӕ Спорты комитет.

Ног хабӕртты лентӕ
0