ЦХИНВАЛ, 25 авг — Sputnik. Олимпиаг уæлахиздзау — ирон хъӕбысӕйхӕцӕг Рæмонаты Сослан хорзӕхджын ӕрцыд "Хæларады орденæй". Ирон богалæн бæрзонд хорзæх цытджын уавæры радта Уæрæсейы президент Владимир Путин, хъусын кæны Уæрæсейы спорты министрады пресс-службæ.
Рӕмонаты Сослан ссис олимпиаг чемпион уӕгъдибар хъӕбысхӕстӕй 65 кг уӕзы категорийы, Олимпиадæйы фӕстаг бон финалон тохы басаста азербайджайнаг Тогрул Асгаровы 11-0 хыгъдӕй.
Уæлахиздзауты хорзæхкæныны церемони ацыд Кремлы цыппæрæмы.
"Уæрæсейы президент Владимир Путин ирон богал Рæмонаты Сосланæй дарддæр бæрзонд хорзæх "Хæларады орден" радта Рио-де-Жанейройы Олимпиадӕйы иннӕ уæлахиздзаутæ — Артур Ахматхузин, Вера Бирюкова, Беслан Мудранов, Абдулрашид Садулаев, Влада Чигирева, Мария Шурочкина æмæ æндæртæн", — дзырдæуы хъусинаджы.
Уымæй дарддæр ма "Кады орден"- тæ та райстой Олимпиадæ-2016 спорты хицæн хуызты уæлахиздзаутæ Анастасия Близнюк, Роман Власов, Яна Егорян, Александра Пацкевич, Светлана Ромашина æмæ Алла Шишкина.
Рӕмонаты Сослан райгуырд Цхинвалы, 2014 азы ссис Уӕрӕсейы ӕмӕ дунейы чемпион, 2015 азы та — дунейы бронзӕйон чемпион.
