ЦХИНВАЛ, 12 янв — Sputnik. Хуссарирыстойнаг боксертæ стох кæндзысты Цæгат Ирыстоны чемпионаты фыццаг бынæттыл, фехъусын кодта Sputnik Фæсивæдон политикæ, спорт æмæ туризмы комитеты минӕвар Бестауты Чермен.
Чемпионат цæудзæн 13-18 январы Цæгат Ирыстоны спортивон комплекс "Динамо"-йы. Хуссар Ирæй ерысты хайад райсдзæн 20 спортсменæй фылдæр. Уыдон сты спорткомплекс "Олимп", Уæлдæр спортивон дæсныйады скъола æмæ Боксы скъолайы хъомылгæнинæгтæ.
"Чемпионаты тохтæ цæудзæн чызджытӕ æмæ лæппуты хсæн. Махӕй дзы хайад райсдзысты æрмæстдæр лæппутæ. Ерыстӕ цæудзысты æртæ уæзы категорийы æмæ дзы алкæцыйы дæр сархайдзысты нæ спортсментæ. Нæ командæйы уæнгтæй уæлахизы ныфс æвæрӕм Хъазиты Роберт, Кокойты Эдуард æмæ Джиголаты Алæмæтæй", — загъта Бестауты Чермен.
Уый ма банысан кодта, ерысты фæстиуджытæм гæсгæ фидар æрцæудзæн Цæгат Ирыстоны æмбырдгонд командæ боксæй.
Ерыстæ организацигонд цæуынц РЦИ-А спорты министрад æмæ Боксы федерацийы хъæппæрисæй. Планмæ хъæсгæ чемпионаты хъуамæ хайад райса 300 боксеры. Уæлахиздзаутæ æмæ призертæ хорзæхджын æрцæудзысты дипломтæ æмæ хицæн къæпхæнты дипломтæй.
