17:47 21 СУСÆНЫ МÆЙ
 2017
Комкоммӕ эфир
Уалыты Владислав

Гогаты Алан æмæ Уалыты Владислав - "Циолковский-2017" уæлахиздзаутæ

© Федерация спортивной борьбы России
Спорт
Чысыл дӕнцӕг
34 0 0

Дыууæ ирон богалы Уæрæсейы чемпионаты æнтысты фæстæ сбæлвырд кодтой сæ уæзы категориты тыхджындæрты статус æхсæнадæмон турниры

ЦХИНВАЛ, 10 июл — Sputnik, Плиты Фатимæ. Дыууæ ирон хъӕбысӕйхӕцӕджы, Уæрӕсейы чемпионаты уæлахиздзаутæ Гогаты Алан æмæ Уалыты Владислав райстой фыццаг бынӕттӕ æхсæнадæмон турнир "Мемориал Вацлава Циолковского-2017"-йы Польшӕйы, хъусын кæны УФ хъæбысхæсты федерацийы сайт.

Уалыты Владислав "Мемориал Вацлава Циолковского —2017"-ы сыгъзæрин майдан райста 86 кг уæзы категорийы. Специалистты хъуыдымæ гæсгæ, æхсæнадæмон турниры фӕуæлахизы фæстæ ирон богал сбæлвырд кодта, аккаг кæй у дунейы чемпионаты призтыл стох кæнынӕн.

Спортсмены цæттæ кæнынц Хуссар Ирыстон æмæ Уæрæсейы сгуыхт тренертæ Мæргъиты Анатолий æмæ Лалыты Вадим.

Ӕхсæнадæмон турниры фæстаг бон та фæбæрæг ис уæлахиздзау 65 кг уæзы. Ацы категорийы финалмæ бацыдысты дыуууæ ирон богалы Гогаты Алан (Уæрæсе) æмæ Колыты Георгий (Беларусь). Ныхмæлæуды тыхджындæр разынд Уæрæсейы спортивон кад хъахъхъæнæг Гогаты Алан ӕмӕ райста сыгъзӕрин майдан. Колыты Георгий та ссис æвзист призер.

Гогаты Алан архайы 65 кг уæзы. 2010, 2012 æмæ 2017 æзты ссис Уæрæсейы чемпион. 2011 азы рамбылдта Дунейы кубок, 2013 азы та дзы ссис дыккаг. 2012 азы Гогаты Алан рамбылдта Европæйы чемпионат.

Ӕхсæнадæмон турнир "Мемориал Вацлава Циолковского" цыд Польшæйы сæйраг горæт Варшавайы 7-9 июлы.

Уæрæсейы чемпионат æмæ æхсæнадæмон турнирты хатдзæгтæм гæсгæ фидар ӕрцæудзæн уæгъдибар хъæбысхæстӕй Уæрæсейы командæйы сконд.

Сӕйраг темӕтӕ