Джиоты дыууӕ ӕфсымӕры рамбылдтой боксы турнир Кисловодскы

© FacebookБоксы турнир Кисловодскы
Боксы турнир Кисловодскы - Sputnik Хуссар Ирыстон
Рафыссын
Арсен ӕмӕ Вадим ныддӕрӕн кодтой сӕ ныхмӕлӕуджыты ӕмӕ ссисты уӕлахиздзаутӕ, ноджы ма дыууӕ ирон боксерӕн та сӕ уӕлахиз байста тӕрхонгӕнӕджы ӕнӕраст скъуыддзаг

ЦХИНВАЛ, 19 июл — Sputnik, Плиты Фатимӕ. Хуссар Ирыстоны сывӕллӕтты ӕмӕ ӕрыгон фӕсивӕды боксы скъолайы хъомылгӕнинӕгтӕ ссисты Кисловодскы уагъд цӕуӕг турниры уӕлахиздзаутӕ ӕмӕ призертӕ. Джиоты дыууӕ ӕфсымӕры Вадим ӕмӕ Арсен рамбылдтой фыццаг бынӕттӕ, фондзӕй та ссисты ӕвзист майданты хицӕуттӕ, фехъусын кодта Sputnik боксы скъолайы минӕвар Кокойты Ирбег.

Цхинвалаг боксертæ - Sputnik Хуссар Ирыстон
Ногӕй та уӕлахиз: Цхинвайлаг боксертæ рамбылдтой дæс майданы "Динамо"-йы турниры

Турниры архайӕг ӕрыгон фӕсивӕд се ‘ппӕт дӕр сты ӕхсӕнрегионалон турнирты уӕлахиздзаутӕ.

"Джиоты дыууӕ ӕфсымӕры Вадим ӕмӕ Арсен райстой фыццаг бынӕттӕ. Уӕлахизы ныфс ӕвӕрдтам Кокойты Хетӕг ӕмӕ Цхуырбаты Муратӕй дӕр, фӕлӕ уыдонӕн уыд ӕцӕг фидар ныхмӕлӕуджытӕ ӕмӕ фембылд сты финалы", — загъта скъолайы минӕвар.

Кокойты Ирбег банысан кодта, ноджы дыууӕ цхинвайлаг боксеры Ӕлборты Сослан ӕмӕ Кокойты Аслан финалон тохты сӕ ныхмӕлӕуджытӕй кӕд уыдысты фидардӕр, уӕддӕр сын, хъыгагӕн, тӕрхонгӕнджыты мӕнг скуыддзагмӕ гӕсгӕ радтой дыккаг бынӕттӕ. Афтӕ ма ӕнӕраст скъуыддзаджы амӕттаг бацис Алан Аль-Дамари дӕр — уымӕн да радтой ӕртыккаг бынат.

Уыдонӕй дарддӕр ма фыццаг хатт республикӕйы ӕддейӕ турнирмӕ акодтой сӕ аннӕ хъомылгӕнинаг Икъоты Тамерланы ӕмӕ уый дӕр йӕхи равдыста аккаг.

Хуссар Ирыстоны сывӕллӕтты ӕмӕ ӕрыгон фӕсивӕды боксы скъолайы хъомылгӕнинӕгтӕн ерысты архайынӕн финансон ӕххуыс бакодта президент Бибылты Анатолий.

Ног хабӕртты лентӕ
0