03:32 21 ДЖЕОРГУЫБАЙЫ МÆЙ
 2017
Комкоммӕ эфир
Боксы турнир Кисловодскы

Фондз сыгъзæрины: цхинвайлаг æрыгон боксертæ расгуыхтысты Минводты

Facebook
Спорт
Чысыл дӕнцӕг
206 0 0

Тренеры ныхæстæм гæсгæ, хуссарирыстойнаг командæ æхсæзæм сыгъзæрин майданæй фæцух ис тæрхонгæнджыты æнæраст уынаффæйы тыххæй.

ЦХИНВАЛ, 11 сен — Sputnik, Плиты Фатимæ. Хуссар Ирыстоны иумæйаг командæ боксæй рамбылдта фараст майданы Александр Поповы номыл æхсæнрегионалон турниры Минводты. Турниры хатдзæгтæм гæсгæ, ерысты сæрмагонд приз дæр райста цхинвайлаг боксер, фехъусын кодта Sputnik спортсменты тренер Гæбæраты Гамлет.

Цæгаткавказаг ерыстæ æрæмбырд кодтой 200 тыхджындæр æрыгон боксеры. Хуссар Ирæй дзы архайдтой 2002-2003 æмæ 2004-2005 æзты гуырд спортсментæй хуыздæртæ. Турнирмæ раразмæгонд командæйы скондмæ бацыдысты 15 боксеры республикæйы æртæ скъолайæ дæр – СӔФБС (Сывæллæтты æмæ æрыгон фæсивæды боксы скъола), УСДС (Уæлдæр спортивон дæсныйады скъола) æмæ Спорты галуан "Олимп"-ы хъомылгæнинæгтæ.

"Ацы турнир фæсивæдæн ссис фыццаг фæлварæн сæрдыгон улæфтыты фæстæ. Мадзал æрæмбырд кодта Цæгат Кавказы тыхджындæр спортсменты, уымæ гæсгæ нæ къухы бафтыд æрмæстдæр 5 сыгъзæрин æмæ цыппар æвзист майданы. Фæлæ, иумæйагæй сисгæйæ, баззадыстæм райгондæй нæ хъомылгæнинæгтæй", — загъта тренер.

Сыгъзæрин майдантæ райстой Ӕлборты Сослан, Багаты Марат, Тыджыты Василий, Гæбæраты Ирбег æмæ Къæбысты Георгий.

Тренеры ныхæстæм гæсгæ, хуссарирыстойнаг командæ æхсæзæм сыгъзæрин майданæй фæцух ис тæрхонгæнджыты æнæраст уынаффæйы тыххæй.

"Гæджиты Гурам хорз тох кодта, фæлæ финалы йæ ныхмæлæууæг уыд фысымтæн сæхи боксер æмæ, хъыгагæн, уæлахиз схæлар кодтой уымæн", — балхынцъ кодта Гæбæраты Гамлет.

Турниры хатдзæгтæм гæсгæ ма ерысты сæрмагонд приз райста цхинвайлаг боксер Багаты Марат хуыздæр техникæйы тыххæй.

Сӕйраг темӕтӕ