Цхинвалы фæбæрӕг сты Ирыстоны тыхджындæр гимнасткæтæ

© Sputnik / Наталья АйриянХуссарирыстойнаг гимнасткӕтӕ
Хуссарирыстойнаг гимнасткӕтӕ - Sputnik Хуссар Ирыстон
Рафыссын
Хуссар Ирыстоны гимнастикӕйы райрӕзтӕн бындур ӕрӕвӕрдта дзӕнӕттаг Гӕбӕраты Люда, уымӕн ерысты рӕстӕджы ссардтой йӕ рухс ном

ЦХИНВАЛ, 18 сен — Sputnik, Плиты Фатимӕ. Ирыстоны дыууӕ хайы хуыздӕр командӕтӕ аивадон ӕмӕ эстетикон гимнастикӕйӕ фӕбӕрӕг сты Цхинвалы. Боны дӕргъы спорты галуан "Олимп"-ы гауыз сфӕлвӕрдтой цхинвайлаг, дзӕуджыхъӕуккаг ӕмӕ мӕздӕгаг чызджытӕ.

Дӕсгай ӕвзонг гимнасткӕтӕ уадздзæгтæ, старцтæ, тæлытæ ӕмӕ пуртитимӕ, науӕд ӕнӕмигӕнӕнӕй, тахтысты гауызы сæртыл чысыл андзӕвгӕйӕ ӕмӕ диссаджы трюктӕ ӕххӕстгӕнгӕйӕ.

© Sputnik / Наталья АйриянХуссарирыстойнаг гимнасткӕ
Художественная гимнастика - Sputnik Хуссар Ирыстон
Хуссарирыстойнаг гимнасткӕ

Ерысты райдианы ӕрымысыдысты Хуссар Ирыстоны гимнастикӕйы бындурӕвӕрӕг Гӕбӕраты Людайы рухс ном. Республикӕйы гимнастикӕйы федерацийы президент Цхуырбаты Зема банысан кодта, фидӕны йӕ номыл кӕй фӕнд кӕнынц аразын ӕрвылазон турнир.

"Хуссар Иры аивадон гимнастикӕ йӕ къахыл слӕууын кӕнынмæ тырныдта Гӕбӕраты Люда, бӕллыд ацы галуанмӕ ӕрбахизын. Уый йын нал бантыст, фӕлӕ схъомыл кодта фӕлтӕр, кӕцытӕ абон кусынц тренертӕй ӕмӕ сӕхӕдӕг цӕттӕ кӕнынц сывӕллӕтты. Фидӕны мах йӕ рухс номыл араздзыстӕм ӕрвылазон ерыстӕ", — загъта Цхуырбаты Зема.

Фыццаг хатт Хуссар Ирыстоны ерыстӕ ацыдысты ӕрцӕугӕ гимнастты хайадистӕй. Аивадон ӕмӕ эстетикон гимнастикӕйӕ хицæн карты уӕлахиздзаутӕ ссисты Дзӕуджыхъӕуы командӕ, мӕздӕгаг "Аланочка" ӕмӕ цхинвайлаг "Ир-Олимп". Ерысты сӕрмагонд приз "мисс турнира" райста дзӕуджыхъӕуккаг командӕйы уӕнг, спорты мастертӕм кандидат Инга Березова.

© Sputnik / Наталья АйриянХуссарирыстойнаг гимнасткӕтӕ
Хуссарирыстойнаг гимнасткӕтӕ - Sputnik Хуссар Ирыстон
1/3
Хуссарирыстойнаг гимнасткӕтӕ
© Sputnik / Наталья АйриянХуссарирыстойнаг гимнасткӕтӕ
Хуссарирыстойнаг гимнасткӕтӕ - Sputnik Хуссар Ирыстон
2/3
Хуссарирыстойнаг гимнасткӕтӕ
© Sputnik / Наталья АйриянХуссарирыстойнаг гимнасткӕтӕ
Хуссарирыстойнаг гимнасткӕтӕ - Sputnik Хуссар Ирыстон
3/3
Хуссарирыстойнаг гимнасткӕтӕ
1/3
Хуссарирыстойнаг гимнасткӕтӕ
2/3
Хуссарирыстойнаг гимнасткӕтӕ
3/3
Хуссарирыстойнаг гимнасткӕтӕ

Ерысон нывæзты астӕу ма сӕ арӕхстдзинад равдыстой Хуссар Ирыстоны иууыл чысыл стъалытӕ дӕр, уыдон се 'ппӕт дӕр райстой чысыл зӕрдылдарӕн лӕвӕрттӕ.

Уазджытӕ бынӕттон уавӕртӕй ӕмӕ турниры ӕмвӕзадӕй баззадысты стыр райгондӕй.

"Фыццаг хатт стӕм Хуссар Иры, кӕд фӕндагыл 7 сахаты бӕрц бахъуыдыстæм, уӕддӕр уый аккаг уыд. Диссаджы спорты галуан ис ам. Бынӕттӕм ӕнӕкӕсгӕйӕ, сывӕллӕттӕ райстой фӕлтӕрддзинад, абоны ралæудтæ сын уыдысты фӕлварӕн, Ростовы цы ерыстӕ цӕуа, уырдӕм. Иууылдæр командæтæн ис ног нывæзтытæ æмæ сӕ сфæлвæрдтой абон", — загъта "Аланочка"-йы тренер Оганесян Ольга.

Уый ма ныфс радта, нырӕй фӕстӕмӕ сӕ ӕмархайд кӕй райтынг кӕндзысты хуссарирыстойнаг федерациимӕ.

Ног хабӕртты лентӕ
0