03:13 24 КÆФТЫ МÆЙ
 2017
Комкоммӕ эфир
Киокусин-кан каратэ

Цхинвайлаг каратисттæ ссисты Уæрæсейы Кубокы призертæ

© Sputnik / Из архива Д.Дудаевой
Спорт
Чысыл дӕнцӕг
8710

Спортсментæ дыккаг бынæттæй райгонд не сты, фæлæ сын мæт кæынæн рæстæг нæй - ныр та сæхи цæттæ кæнынц ерыстæм "Сабырадон Кавказ", кæцытæ уагъд цæудзысты майрæмбоны Дзæуджыхъæуы

ЦХИНВАЛ, 11 окт — Sputnik, Плиты Фатимæ. Хуссарирыстойнаг каратисттæ ссисты Краснодары уагъд цæуæг Уæрæсейы Кубокы призертæ сывæллæтты хсæн, фехъусын кодта Sputnik спортсментæй иу Дудайты Донна.

Дудайты Донна бацахста дыккаг бынат 45 кг уæзы категорийы, ахæм хатдзæгимæ æрыздæхт ерыстæй Пухаты Михаил дæр, уый та ссис дыккаг 75 кг уæзы. Ӕртыккаг призер та ссис Тедеты Анна 30 кг уæзы.

"Финалон тох цыд æмдыхæй, фæлæ фæстаг архайдтытæм гæсгæ уæлахиз райста ныхмæлæууæг. Ӕрмæстдæр дыккаг бынат кæй бацахстон, уый мын ссис катайаг, фæлæ мæт кæнынæн рæстæг нæй – майрæмбоны Дзæуджыхъæуы уыдзæн ног ерыстæ "Сабырадон Кавказ" æмæ мæхи уырдæм рæвдз кæнын", — загъта Дудайты Донна.

Спортсменты цæттæ кæны Киокусин-кан каратейы федерацийы президент, тренер Созаты Владимир.

Цхинвайлаг каратисттæ ссисты Уæрæсейы Кубокы призертæ
© Sputnik / Дудайты Доннайы архивæй
Цхинвайлаг каратисттæ ссисты Уæрæсейы Кубокы призертæ

Сӕйраг темӕтӕ