21:18 22 ТЪÆНДЖЫ МÆЙ
 2018
Комкоммӕ эфир
Джиу-джитсу

Ирыстойнаг спортсменкæ рамбылдта дыууæ майданы джиу-джитсуйæ Петербурджы

© Flickr/ Liga Brasileira de Jiu-Jitsu
Спорт
Чысыл дӕнцӕг
9 0 0

Мæхъиты Кристина ссис дыууæ æвзист майданы хицау æндæр æмæ æндæр дисциплинæты

ЦХИНВАЛ, 20 дек — Sputnik. Мæхъиты Кристина рамбылдта дыууæ сыгъзæрин майданы джиу-джитсуйæ Уæрæсейы чемпионаты Санкт-Петербурджы, хъусын кæны Цæгат Ирыстоны спорты министрад. Турнир æрæмбырд кодта 200 спортсменæй фылдæр Уæрæсейы 36 регионæй.

Республикæйы кад хъахъхъæдта командæ сæйраг тренер Дзитойты Артуры къухдариуæгадæй. Ӕмбырдгондмæ бацыдысты республикæйы чемпионаты уæлахиздзаутæ æмæ призертæ "файтинг" æмæ "не-ваза" дисциплинæты.

Мæхъиты Кристина фæуæлахиз Европæйы ацы азы чемпионаты æвзист призер, мæскуыйаг Елена Зенкевичыл "файтинг" дисциплинæйы, фæлæ фæхæрд Эльвирæ Алимхановайæн Мæскуыйы командæйæ.

"Не-ваза" дисциплинæйы Зенкевичæн бантыст Кристинайы рамбулын, уый фæстиуæгæн ирыстойнаг спортсменкæ ссис дыккаг æвзист хорзæхы хицау.

Мæхъиты Кристина ис Уæрæсейы юниорон æмбырдгонды сконды джиу-джитсуйæ, ацы аз уый рамбылдта Уæрæсейы фыццагад æмæ дунейы чемпионат джиу-джитсуйæ юниорты æхсæн.

Сӕйраг темӕтӕ