Зындгонд актер Цаллаты Вадим хайад райста Sputnik.Кастыты

Рафыссын
Проект Sputnik.Кастыты хайад райста кино ӕмӕ театры актер, РЦИ-А адӕмон артист Цаллаты Вадим.

Ӕхсӕнадӕмон информацион агентад ӕмӕ радио Sputnik Хуссар Ирыстон дарддӕр кӕны поэтикон проект Sputnik.Кастытӕ сайты ирон ӕмӕ уырыссаг верситыл. Поекты ног хайадисӕг ссис кино ӕмӕ театры зындгонд актер, РЦИ-А адӕмон артист Цаллаты Вадим, уый бакаст Хетӕгкаты Къостайы ӕмдзӕвгӕ "Балцы зарӕг".

Цаллаты Вадим банысан кодта, проект Sputnik.Кастытӕ Ирыстонӕн ӕмӕ алы ирон адӕймагӕн дӕр кӕй у нысаниуӕгджын.

"Ацы проекты фӕрцы ирон адӕм, кӕцытӕ цӕрынц куыд Ирыстоны, афтӕ ӕндӕр республикӕты дӕр, Къостайы сфӕлдыстады руыджы банкъардзысты иудзинад райгуырӕн бӕстӕимӕ. Sputnik.Кастытӕ ӕрмӕст мах, ирӕтты, нӕ иу кӕны, фӕлӕ ма куынӕг кӕны географион, культурон ӕмӕ ӕвзагон арӕнтӕ", — загъта уый.

Актеры ныхӕстӕм гӕсгӕ, уый "Балцы зарӕг" хуымӕтӕджы нӕ равзӕрста, уымӕн ӕмӕ ацы ӕмдзӕвгӕйы Къоста сиды Ирыстоны фӕсивӕдмӕ иудзинад ӕмӕ ӕнгомдзинадмӕ.

Ног хабӕртты лентӕ
0