22:29 27 ЗÆРДÆВÆРÆНЫ МÆЙ
 2017
Комкоммӕ эфир
Владимир Путин

Владимир Путин сратификаци кодта Хуссар Ирыстонимӕ интеграцион бадзырд

© Sputnik / Алексей Дружинин
Дунейы
Чысыл дӕнцӕг
6120

УФ ӕмӕ РХИ ӕхсӕн ӕмцӕдисад ӕмӕ интеграцион бадзырдыл къухтӕ бафыстой президенттӕ Владимир Путин ӕмӕ Тыбылты Леонид. Фӕстӕдӕр документ сратификаци кодтой РХИ парламент, Паддзахадон думӕ, Уӕрӕсейы Федерацийы Совет.

ЦХИНВАЛ, 30 июн — Sputnik. Уӕрӕсейы Федерацийы президент Владимир Путин бафыста УФ ӕмӕ РХИ ӕхсӕн ӕмцӕдисад ӕмӕ интеграцион бадзырд сратификаци кӕныны фӕдыл закъон.

Бӕстӕйы сӕргълӕууӕджы уынаффӕ публикаци ӕрцыд барадон информацийы официалон сайтыл.

"Хуссар Ирыстон ӕмӕ Уӕрӕсейы ӕхсӕн интеграцион бадзырд, кӕцы дыууӕ бӕстӕйы президенттӕ бафыстой 2015 азы 18 марты, ӕрцӕуӕт ратификаци", — дзырдӕуы документы.

Бадзырды фӕлгӕтты арӕзт ӕрцӕудзӕн хахъхъӕнынад ӕмӕ ӕдасдзинады иумӕйаг тыгъдад, афтӕ ма паддзахадон арӕны сӕрты сӕрибарӕй хизын, таможнийы органты интеграци.

Уымӕй дарддӕр ма фӕарфдӕр уыдзӕн дыууӕ бӕстӕты ӕхсӕн ӕмгуыстад социалон, экономикон ӕмӕ гуманитарон фадгуыты, куыстмызд ӕмӕ пенситӕ схиздзысты Уӕрӕсейы цӕгаткавказаг регионты ӕмвӕзадмӕ.

Бадзырд уал бафыстӕуыд 25 азы ӕмгъуыдмӕ, уый фӕстӕ гӕнӕн уыдзӕн йӕ адарддӕр кӕнын.

Сӕйраг темӕтӕ

Хуссар Ирыстон æмæ Уæрæсейы хсæн интеграции æмæ æмгуысткæнынады фæдыл бадзырд ратификаци æрцыд

Сӕйраг темӕтӕ