05:18 24 КÆФТЫ МÆЙ
 2017
Комкоммӕ эфир
Евгений Шевчук ӕмӕ Нина Штански

Евгений Шевчук ӕмӕ Нина Штански сфӕнд кодтой сӕ цард баиу кӕнын

Фото со страницы пользователя facebook
Дунейы
Чысыл дӕнцӕг
55 0 0

Днестыргӕрон Молдаваг республикӕйы ӕттагон ведомствӕйы сӕргълӕууӕг Нина Штански райсдзӕн сӕ бӕстӕйы фыццаг ледийы ном.

ЦХИНВАЛ, 2 сен — Sputnik. Приднестровьейы президент Евгений Шевчук ӕмӕ бӕстӕйы ӕттагон ведомствӕйы сӕргълӕууӕг Нина Штански хъавынц сӕ цард баиу кӕнынмӕ, уый тыххӕй Евгений Шевчук фехъусын кодта Приднестровьейы бындурӕвӕрдыл 25 азы сӕххӕсты цытӕн пресс-конференцийы рӕстӕджы.

Нина Штански хицауады куыст ныууадздзӕн бинонтӕ скӕныны тыххӕй.

"Хицауады уыдзӕн ивындзинӕдтӕ. Вице-премьер ӕмӕ фӕсарӕйнӕг хъуыддӕгты министр Нина Штански ахиздзӕн ӕндӕр куыстмӕ, йӕ бынатмӕ та нысан ӕрцӕудзӕн ног адӕймаг", — банысан кодта Евгений Шевчук.

Уый ма йӕ ныхӕстӕм бафтыдта, ӕввахс рӕстӕджы Нина Штански кӕй "ӕххӕст кӕндзӕн президенты бинойнаджы хӕстӕ".

Приднестровьейы бындурӕвӕрдыл 25 азы сӕххӕсты цытӕн бӕрӕгбонон мадзӕлтты хайад исы Хуссар Ирыстоны делегаци фӕсарӕйнӕг хъуыддӕгты министр Цхуырбаты Хазбулаты сӕргълӕудӕй.

Приднестровье ӕмӕ Хуссар Ирыстонӕн ис фидар ӕфсымӕрон ӕхастытӕ. Дыууӕ республикӕйы ӕхсӕн бафыст ӕрцыдысты ӕмгуыстады бадзырдтӕ.

Сӕйраг темӕтӕ