19:33 18 КÆФТЫ МÆЙ
 2017
Комкоммӕ эфир
Конкурс Первая четверть

Sputnik фотокорреспонденттæ рамбылдтой конкурс Picture of the Year International

© Sputnik / Сергей Кузнецов
Дунейы
Чысыл дӕнцӕг
1410

Sputnik фотокорреспонденттæ райстой хорзæхтæ конкурсы Picture of the Year International (POYi).

ЦХИНВАЛ, 29 фев — Sputnik. Sputnik фотокорреспонденттæй дыууæйы кустытæн бæрзонд аргъ скодта къамты рагон æхсæнадæмон конкурс Picture of the Year International (POYi) жюри. Конкурсы уæлахиздзаутæ ссисты Валерий Мельников, кæцы рамбылдта приз ахæм категориты, куыд "Портретты сери" (Portrait Series) æмæ "Мультимедийон истори" (Multimedia News Story), æмæ Алексей Филиппов — дыккаг бынат категорийы "Спортивон цаутæ" (Sports Feature). Уæлахиздзауты къамтæ æвдыст æрцæудзысты дунейы æндæр æмæ æндæр бæстæты равдыстыты. Уæлахиздзауты нымæцы ма сты ахæм зындгонд къамисджытæ, куыд Скотт Страззанте (АИШ), Франческо Зизола (Итали) æмæ æндæртæ.

Валерий Мельников фыццаг хатт конкурсмæ бавдыста къамты сери "Зæххы бын" (Underground) 2015 азы сентябры æмæ нывонд сты Украинæйы конфликтæн. Фотосери арæзт у Донбассы цæрджыты портреттæй, кæцытæ æхстыты рæстæджы æмбæхсынц сæ пырх хæдзæртты ныккæндты.

Номинаци "Мультимедийон истори"-мæ Валерий Мельников бавдыста кодта видеопроект " Украинæйы сау бонтæ ", кæцы арæзт æрцыд къамисæг Андрей Любимовы хайадистæй. Проект арæзт æрцыд Валерий Мельниковы къамты серийы бындурыл, кæцы райста хорзæхтæ ахæм æхсæнадæмон конкурсты, куыдWorld Report Award 2015, Visual Storytelling Awards 2015, Sony WPA 2015, Days Japan International Photo Journalism Award 2015 æмæ бирæ æндæрты.

Алексей Филипповы къам "Фехтовани"-йыл ист у италиг спортсменкæ Мартина Батини, фехтованийæ чемпионаты финалон тохы рæстæджы Мæскуыйы.

Конкурс Pictures of the Year International у дунейы рагондæр фотоконкурстæй иу, кæцыйæн бындур æвæрд æрцыд 1944 азы. Конкурсы хицæндзинад ис уый мидæг, æмæ дзы хайад исыны фадат ис куыд къамисджытæн, афтæ редактортæн æмæ æнæхъæн мыхуыры хæдзæрттæн дæр.

Сӕйраг темӕтӕ