16:31 11 ЦЫППУРСЫ МÆЙ 2017
Комкоммӕ эфир
Алкоголон нозтимӕ дукани

Цӕцӕны сӕхгӕдтой алкоголон нозтимӕ дуканитӕ иууылдӕр

© Sputnik / Руслан Кривобок
Дунейы
Чысыл дӕнцӕг
10 0 0

Алкоголон нозтимӕ дуканитӕ ӕрцыдысты ӕхгӕд егъау ФТЦ-ы фӕстӕ, цы ран фӕмард авд адӕймаджы, хъусын кӕнынц республикӕйы хицӕуттӕ.

ЦХИНВАЛ, 1 дек — Sputnik. Цӕцӕны сӕхгӕдтой алкоголон нозт уӕйгӕнӕн базарадон объекттӕ иууылдӕр, ацы хабар ӕрцыд егъау фӕндагон-транспортон цауы (ФТЦ) фӕстӕ, цы ран фӕмард сты авд адӕймаджы, фехъусын кодта ФТЦ-ы профилактикӕйы фӕдыл оперативон штабы къухдариуӕггӕнӕг, республикӕйы парламенты сӕргълӕууӕг Магомед Даудов.

"Ӕрӕджы трассӕ "Кавказыл" цы авари ӕрцыд, уый фӕстӕ нозт цы амалиуӕггӕнджытӕ реализаци кодтой, уыдон барвӕндӕй загътой "нӕ" сӕ архайдӕн", — загъта Даудов Цӕцӕны сӕргълӕууӕг Рамзан Кадыровимӕ ӕмбырды рӕстӕджы.

Парламенты спикеры ныхӕстӕм гӕсгӕ, республикӕйы уыд 20 базарадон объекты, цы ран уӕй кодтой нозт.

"Ныр регионы нал баззад иунӕг дукани дӕр, нозт цы ран уӕй кӕнынц", — банысан кодта Даудов.

Кадыров банысан кодта, нозтджынӕй кӕнӕ наркотикты ӕндӕвдады бын рулыл цы шофыр сбады, уый хъуамӕ баййафа карз ӕфхӕрд, уый нымӕцы ӕхсӕнадон фидис.

Егъау фӕндагон-транспортон цау ӕрцыд Цӕцӕны федералон трассӕ "Кавказ"-ыл ноябры кӕрон — автомашинӕ Ford-ыл бадӕг нозтджын шофыр рахызт ныхмӕцӕуӕг фӕндагмӕ ӕмӕ комкоммӕ сӕмбӕлд Lada Priora-йыл. Аварийы фӕмард сты авд адӕймаджы, уый нымӕцы дыууӕ сывӕллоны.

Сӕйраг темӕтӕ