19:31 18 МАЙРÆМТЫ МÆЙ 2017
Комкоммӕ эфир
Фестиваль-равдыст

ӔИА "Россия сегодня" бакӕндзӕн 8 марты дыууӕ равдысты мӕскуыйаг паркты

© Sputnik / Евгений Одиноков
Дунейы
Чысыл дӕнцӕг
6 0 0

Сӕ фотоисторийы хъайтарты фотокорреспонденттӕ агуырдтой Уӕрӕсейы ӕндӕр ӕмӕ ӕндӕр регионты.

ЦХИНВАЛ, 6 мар — Sputnik. ӔИА "Россия сегодня" Ӕхсӕнадӕмон сылгоймӕгты бонмӕ ӕрбайгом кӕндзӕн дыууӕ равдысты Мӕскуыйы Краснопресненаг ӕмӕ Измайловаг паркты.

Мӕскуыйаг равдыстты сезон гом арвы бын ӕрбайгом уыдзӕн ӕмрӕстӕджы дыууӕ тематикон экспозицитӕй уникалон ӕмӕ зындгонд сылгоймӕгты цытӕн, кӕцыты нымӕцы сты поэтесса Белла Ахмадулина ӕмӕ сылгоймӕгтӕн "ӕнахуыр" професситы чи фесгуыхтысты, ахӕмтӕ, хъусын кӕны къуырисӕры РИА Новости.

Равдысттӕ ӕрбайгом уыдзысты 8 марты ӕмӕ адарддӕр уыдзысты апрелы кӕрӕттӕм. Баццӕуӕн уыдзӕн сӕрибар.

"Красная Пресняйы парчы фенӕн уыдзӕн стӕм архивон кадртӕ зындгонд поэтессӕ Беллӕ Ахмадулинайы цардӕй, кӕцыйы ӕмдзӕвгӕтӕ зонынц ӕмӕ уарзынц бирӕ фӕлтӕртӕ. Къамтӕн сӕ фылдӕр ӕвдыст ӕрцӕудзысты фыццаг хатт, ӕнувыд кӕсӕгӕн уыдзӕн фадат "ацӕрын" ирд ӕмӕ рамантикон Белла Ахмадулинайы цардӕй 1964 азӕй фӕстӕмӕ — уӕд йӕ фыццаг къам ӕрцыд арӕзт", — фехъусын кодтой ӔИА "Россия сегодня"-йы пресс-службӕйы.

Измайловаг паркмӕ ӕрбацӕуджытӕ та фендзысты сылгоймӕгты къамтӕ, кӕцытӕ сӕхи ссардтой традицион ӕгъдауӕй "ӕнахуыр" професситы.
Сӕ фотоисторийы хъайтарты ӔИА "Россия сегодня"-йы фотокорреспонденттӕ агуырдтой Уӕрӕсейы ӕндӕр ӕмӕ ӕндӕр регионты. Уый фӕстиуӕгӕн рауад ирд ӕмӕ эстетикон радзырд сылгоймӕгты тыххӕй, кӕцытӕ цӕуынц сӕ бӕллицы фӕдыл ӕмӕ сӕ зӕрдӕмӕ ӕввахс нӕ дарынц мæнгæнхъæлцтӕ.

Сӕйраг темӕтӕ