05:24 01 ЗÆРДÆВÆРÆНЫ МÆЙ
 2017
Комкоммӕ эфир
Питераг метройы теракты фæдыл ахст æрцыдысты 8 террористы

Бортников: питераг метройы теракты фæдыл ахст æрцыдысты 8 террористы

© Sputnik / Анатолий Медведь
Дунейы
Чысыл дӕнцӕг
9 0 0

ӔФС-йы директор Александр Бортниковы ныхæстæм гæсгæ, æхсæз террористы æрурæдтой Санкт-Петербурджы, дыууæйы та Мæскуыйы

ЦХИНВАЛ, 11 апр — Sputnik. Ӕдасдзинады федералон службæйы директор Александр Бортников фехъусын кодта, питераг метройы теракты фæдыл ахст кæй æрцыдысты аст террористы, хъусын кæны РИА Новости.

"Оперативон-агурæн æмæ слестгæнæн мадзæлтты рæстæджы ахст æрцыдысты сусæг террористон чырты уæнгтæ астæй, кæцытæй æхсæз уыдысты Санкт-Петербурджы, дыууæ та Мæскуыйы, иууылдæр сты Централон Азийæ рацæугæтæ", — загъта Бортников.

ӔФС-йы директор банысан кодта, зæгъгæ, питераг метройы теракт уыд æвдисæн уымæн, антитерроры фæдыл куыст УФ-йы æххæст дзуапп кæй нæ дæтты уæвгæ тасæн.

"Байст æрцыд бирæ нымæц хæцæнгарз æмæ хæстæрмæджытæ. Агуырдмæ лæвæрд æрцыдысты æрганизатортæ æмæ æмдзæхдонтæ (кæд уыдысты)", — загъта уый.

3 апрелы, 14.30 мск сахатмæ æввахс петербургаг метройы "Сенная площадь" æмæ "Технологический институт-2" станцты æхсæн æрцыд срæмыгъд. Официалон æгъдауæй фехъусын кодтой 10 фæмардуæвæг æмæ 37 цæфы тыххæй. Слестгæнæн комитет ацы фыдракæндæн саргъ кодта куыд теракт.

Сӕйраг темӕтӕ