Аварийы бахауæг æфсæддонты бабæрæг кодта президент Тыбылты Леонид

© Пресс-служба президента РЮОПрезидент Тыбылты Леонид бабæрæг кодта аварийы бахауæг æфсæддонты
Президент Тыбылты Леонид бабæрæг кодта аварийы бахауæг æфсæддонты - Sputnik Хуссар Ирыстон
Рафыссын
Президент Тыбылты Леонид бабæрæг кодта рынчындоны фæндагон- транспортон цауы рæстæджы цы уæрæсейаг æфсæддонтæ фæцæф сты, уыдоны.

ЦХИНВАЛ, 19 май — Sputnik. Тыбылты Леонид республикæмæ æрцæуæг 58-æм æфсады командагæнæг, инæлар-майор Андрей Гурулевимæ бацыд рынчындонмӕ, аныхас кодта дохтыртимæ æмæ бынаты райста информаци Хуссар Ирыстоны æнæниздзинад хъахъхъæнынады министр Григорий Кулиджановæй зианбаййафджыты уавæры тыххæй, фехъусын кодта президенты пресс-секретарь Гана Яновская.

"Райсомæй фæстæмæ мын хъусын кæнынц, нæ рынчындоны кусджытæ аварийы амæттæгтæн кæй кæнынц алыварсон медицинон æххуыс. Ныфс мæ ис, тагъд рæстæджы сæ алкæй æнæниздзинад дæр кæй фæхуыздæр уыдзæн", — загъта президент.

Республикӕйы ӕнӕниздзинад хъахъхъӕнынады министр Григорий Кулиджанов радзырдта президентӕн, зианбаййафджытӕй цыппар кӕй сты реанимацион хайады уӕззау цӕфтимӕ, кӕнынц сын алыварсон медицинон ӕххуыс.

"Иннӕ фӕцӕфуӕвӕг ӕфсӕддонты уавӕр у стабилон", — бафтыдта йӕ ныхӕстӕм министр.

Тыбылты Леонид бахӕс кодта Ӕдасдзинады советы нымӕрдар Плиты Анатолийӕн уӕрӕсейаг коллегатӕн ӕппӕт ӕнӕмӕнгхъӕуӕг ӕххуыс бакӕныны фӕдыл куыст адарддӕр кӕнын.

Ног хабӕртты лентӕ
0