Козаты Ушангы куыстыты равдыст "Власть цвета" байгом уыдзӕн Мӕскуыйы

© FacebookУшанг Казиев
Ушанг Казиев - Sputnik Хуссар Ирыстон
Рафыссын
Ирыстон ӕмӕ Уӕрӕсейы сгуыхт нывгӕнӕг Козаты Ушангы куыстыты равдыст уагъд ӕрцӕудзӕн Аивӕдты уӕрӕсейаг академийы залты.

ЦХИНВАЛ, 18 ноя — Sputnik. Хуссар Ирыстоны адӕмон нывгӕнӕг, Уӕрӕсе ӕмӕ Цӕгат Ирыстоны сгуыхт нывгӕнӕг, Аивӕдты уӕрӕсейаг академийы уӕнг-корреспондент Козаты Ушангы равдыст "Власть цвета" байгом уыдзӕн ноябры кӕрон Мӕскуыйы, фехъусын кодтой Аивӕдты уӕрӕсейаг академийы (АУА) пресс-службӕйы.

Козаты Ушанг: ӕз дӕн ирон ӕмӕ никӕй дих кӕнын

Козаты Ушанг у нырыккон абстрактон аив нывкӕнынады ирд минӕвар. Йӕ куыстытӕн уыд ӕнтыстджын экспозицитӕ Мӕскуы, Гамбург, Токио, Пекин, Санкт-Петербург, Мадрид, Цхинвал ӕмӕ Дзӕуджыхъӕуы.

"Козаты Ушангы куыстыты равдыст байгом уыдзӕн 29 ноябры Аивӕдты уӕрӕсейаг академийы залты. Экспозицийы сконды бацыдысты нывгӕнӕджы аивадон уацмыстӕ, кӕцытӕ сарӕзта йе ‘сфӕлдыстады ӕндӕр ӕмӕ ӕндӕр периодты. Равдыст адарддӕр уыдзӕн 11 декабры онг", — загътой АУА-йы.

Козаты Ушангы фӕстаг азты сфӕлдыстады сӕйраг темӕтӕй иу у 1990-ӕм ӕзты ирон-гуырдзиаг хъаугъайы цаутӕ, уый сарӕзта куыстыты сери: "Цхинвал 08.08.08", "Хуссар Ирыстон", "Хӕстӕн нывонд".

Фыдыбӕстӕ хъахъхъӕныны хайадисты тыххӕй Козаты Ушангӕн лӕвӕрд ӕрцыд орден "Уацамонгӕ" — Республикӕ Хуссар Ирыстоны уӕлдӕр паддзахадон хорзӕх.

 

 

Ног хабӕртты лентӕ
0