ЦХИНВАЛ, 6 июл — Sputnik, Козаты Диана. Хуссар Ирыстоны уæрæсейаг фидауынгæнæн операци райдианы юбилеймæ арæзт æрцыд майдан "Сабырады сæраппонд æфсæддон архайды тыххæй". Хорзæхы фæдыл уагæвæрд цыппæрæмы хорзыл банымадта парламенты президиум.
Ацы аз республикæйы банысан кæндзысты "æрвгъуыз каскæты" æрбаконды 25 азы юбилей. Сабырад бахъахъхъӕныны фӕдыл ӕмхӕццӕ тыхтӕ (СБӔТ) гуырдзиаг-хуссарирыстойнаг хъаугъайы зонӕмӕ баконд ӕрцыдысты 1992 азы 14 июлы ӕмӕ йӕ фӕстӕ 16 азы ссисты сабырады гарант суанг Гуырдзыстоны ӕххӕстмасштабон агрессийы онг Хуссар Ирыстоны ныхмӕ.
"Уый у ахсджиаг датæ нæ историйы æмæ хъæуы рахицæн кæнын, бирæ æзты Хуссар Ирыстоны сабырад чи хъахъхъæдта, уыдоны", — загъта спикер Гасситы Петр.
Раздæр цалдæр уæрæсейаг сенаторы банхъардтой Уæрæсейы Фыдауынгæнæн бон саразын. Федерацийы Советы Ӕдасдзинад æмæ хъахъхъæнынады фæдыл комитеты сæргълæууæг Виктор Озеровы ныхæстæм гæсгæ, гæнæн ис æмæ ацы датæ баст уа 25 азы размæ Хуссар Ирыстоны фидауынгæнæн операцийы райдианимæ.
Хуссар Ирыстоны Фидауынгӕнӕджы бон нысан цæуы уæрæхæй, ацы датæ бахаст ӕрцыд бӕрӕгбӕттӕ ӕмӕ зӕрдылдарӕн бонты паддзахадон къӕлиндармӕ.
