Уанеты Ӕхсары "Файнустытæм" бакæсдзысты Хуссар Иры хъæуты

© Sputnik / Плиты ФатимаКомеди "Рæстæгмæ ус"
Комеди Рæстæгмæ  ус - Sputnik Хуссар Ирыстон
Рафыссын
Цхинвалы районы адӕмон театры труппӕ йæ гастролон тур райдыдта Хуссар Иры хъæутыл. Сæрдыгон улæфтыты рæстæджы уыдон æрзилдзысты республикӕйы æппæт къуымтыл

ЦХИНВАЛ, 13 июл — Sputnik, Плиты Фатимӕ. Цхинвалы районы адæмон театры къорд се ‘сфæлдыстадимæ зонгæ кæнынц республикæйы районы цæрджыты. Комеди "Файнустытæ" федтой Цхинвалы районы цалдæр хъæуы, дæрддæр спектакль ахæсдзысты аннæ районтӕм дæр, фехъусын кодта Sputnik театры аивадон къухдариуæггæнæг, РХИ адæмон артист Уанеты Ӕхсар.

РХИ адӕмон артист Уанеты Ӕхсар - Sputnik Хуссар Ирыстон
РХИ адӕмон артист Уанеты Ӕхсар: ӕрдз мӕ сывзӕрста сценӕйӕн

Комеди "Файнустытæ" æвæрд æрцыд Нартыхты Григолы уацмысмæ гæсгæ æмæ у адæмæн уарзондæр спектакльтæй иу. Ивгъуыд аз Цӕгат Кавказы адӕмон театрты фестиваль "Театральная весна"-йы уый райста цалдæр призы "Театралон традицитӕ бахъахъхъӕныны" номинацийы, спектаклы режиссер Уанеты Ӕхсар та ссис номинаци "Хуыздӕр режиссура"-йы уӕлахиздзау. Комедийы архайӕг артисткӕ Сиукъаты Оксана та рамбылдта номинаци "Дебют"-ы.

"Ныридӕгӕн "Файнустытæ" федтой Цхинвалы районы цалдæр хъæуы — Дменис, Тъбет, Зар æмæ æндæрты. Хъуамæ æрзилæм Знауыр, Ленингор æмæ Дзауы районтыл дæр. Сфæлдыстадæн арæнтæ нæй æмæ æгæрыстæмæй труппæ ратты спектакль скъолаты бæстыхæйтты дæр. Сæйраг нæ адæм исынц тынг хорз æмæ та нæ ноджы ʻрхонынц ", — радзырдта театры къухдариуæггæнæг.

Уый ма банысан кодта, сæ гастрольтæ куы балхынцъ кæной, уæд кӕй та бавналдзысты ног спектакль "Кæркгæсы чызг"-ыл кусынмæ.

Ног хабӕртты лентӕ
0