Хуссар Иры ФХМ-ы сæргълæууæг æрцыд Наурумæ официалон визитимæ

© Пресс-служба МИД РЮОГлава МИД Южной Осетии (справа) в Науру
Глава МИД Южной Осетии (справа) в Науру - Sputnik Хуссар Ирыстон
Рафыссын
Медойты Дмитрий райсдзæн хайад республикæ Науруйыл хæдбардзинадыл 50 азы сæххæсты цытæн бæрæгбонон мадзæлтты, афтæ ма фембæлдзæн рсепубликæйы президентимæ

ЦХИНВАЛ, 26 янв — Sputnik. Хуссар Ирыстоны фæсарæйнаг хъуыддæгты министр Медойты Дмитрий æрцыд официалон визитимæ Республикæ Наурумæ. Майрæмбоны уый хайад райста дизелон-генераторон станц бакæныны церемонийы, кæцы арæзт æрцыд Австрали, Инди æмæ Тайваны хайадистæй æмæ Евроцæдисы æххусæй, хъусын кæны Хуссар Иры ФХМ-ы пресс-службæ.

Хуссар Ирыстоны президент фембæлд Мæскуыйы Науруйы президентимæ - Sputnik Хуссар Ирыстон
Науру хъахъхъæндзæн Хуссар Ирыстоны интерестæ сабырфурдон регионы

Визит адарддæр уыдзæн 1 февралы онг. Медойты Дмитрий райсдзæн хайад Науруйы хæдбардзинады сæххæстыл 50-азы цытæн бæрæгбонон мадзæлтты, кæцы республикæ нысан кæны 31 январы.

Визиты фæлгæтты министр фембæлдзæн Науруйы президент Барон Дивавеси Вакаимæ, уыдон æруынаффæ кæндзысты дыууæ бæстæты æхсæн æмгуыстады райрæзты уавæр æмæ фадæттыл, афтæ ма æмархайдыл æхсæнадæмон хъуыддæгты.

Республикæ Науру – паддзахад Науруйы сакъадахыл, Сабыр фурды хуссар-ныгуылæйнаг хайы. 2009 азы Науру банымадта Хуссар Ирыстоны хæдбардзинад. Уæд ма бæстæтæ бафыстой документтæ дипломатон ахастытæ сфидар кæныны тыххæй.

Ног хабӕртты лентӕ
0