Хуссар Иры истори ахуыр кӕндзысты ног чиныгмӕ гӕсгӕ

© Sputnik / Наталья АйриянСкъола
Скъола - Sputnik Хуссар Ирыстон
Рафыссын
Зонадон-иртасӕн институты кӕронмӕ фӕхӕццӕ кӕны Хуссар Ирыстоны историйы ахуыргӕнӕн чиныгыл куыст

ЦХИНВАЛ, 24 янв — Sputnik. Хуссар Ирыстоны Зонадон-иртасӕн институты директор фехъусын кодта, ног ахуыры азы республикӕйы скъолатӕ кӕй расдзысты иторийы ног ахуыргӕнӕн чиныг.

Чиныгыл куыст цӕуы ныр цалдӕр азы дӕргъы. Зындгонд историктӕ ӕмӕ ахуыргӕндтӕ цӕттӕ кодтой ӕрмӕг республикӕйы историйы хицӕн периодтӕй.

"Ног 2019-2020 ахуырадон азы скъолаты нӕ фыдыбӕстӕйы истори ахуыр кӕндзысты ног чингуытӕй. Ахуыргӕнӕн чиныг ныридӕгӕн ис техникон цӕттӕкӕнынады стадийыл", - хъусын кӕны газет "Южная Осетия" Гаглойты Роберты ныхӕстӕ.

Уый банысан кодта, объективон аххосӕгтӕм гӕсгӕ чиныгыл куыст кӕй ныддаргъ, фӕлӕ ныр алкӕцы историк дӕр бацӕттӕ кодта йӕ ӕрмӕг.

Октябры уынг - Sputnik Хуссар Ирыстон
"Историйы сыфтæ": 22 баннеры фæзындзæн Цхинвалы уынгтæй иуыл

Чиныгмӕ бацӕудзысты ирон адӕмы историон райрӕзты алкӕцы период дӕр, дуры эпохӕйӕ райдайгӕйӕ суанг 2008 азы онг. Куыстой йыл историктӕ Гаглойты Роберт, Гаглойты Юрий, Джиоты Мурӕт, Пухаты Къоста, Гагалойты Ирина ӕмӕ Джиоты Зӕлинӕ.

Нывӕзтмӕ гӕсгӕ, чиныг хъуамӕ рацӕуа хицӕнтӕй дыууӕ паддзахадон ӕвзагыл дӕр - ирон ӕмӕ уырысагау. Гаглойты Роберт бафтыдта, тӕлмацыл дӕр ныридӕгӕн кӕй кусынц.

Ног хабӕртты лентӕ
0